నెహెమ్యా 11:1-36
-
యెరూషలేములో మళ్లీ ప్రజలు నివసించడం (1-36)
11 ప్రజల అధిపతులు యెరూషలేములో నివసించారు;+ కానీ ప్రతీ పదిమందిలో ఒకరు పవిత్ర నగరమైన యెరూషలేములో నివసించేలా వాళ్లను తీసుకురావడానికి మిగతా ప్రజలు చీట్లు వేశారు.+ మిగతా తొమ్మిదిమంది ఇతర నగరాల్లో నివసించారు.
2 యెరూషలేములో నివసించడానికి స్వచ్ఛందంగా ముందుకు వచ్చిన వాళ్లందర్నీ ప్రజలు దీవించారు.
3 యెరూషలేములో నివసించిన యూదా సంస్థాన అధిపతులు వీళ్లు. (ఇశ్రాయేలీయుల్లో, యాజకుల్లో, లేవీయుల్లో, ఆలయ సేవకుల్లో,*+ సొలొమోను సేవకుల వంశస్థుల్లో+ మిగిలినవాళ్లు యూదాలోని ఇతర నగరాల్లో నివసించారు; ప్రతీ ఒక్కరు తమతమ నగరాల్లో తమ సొంత వాటాలో నివసించారు.+
4 యూదా, బెన్యామీను ప్రజల్లో కొంతమంది కూడా యెరూషలేములో నివసించారు.) యూదా ప్రజల్లో ఉజ్జియా కుమారుడైన అతాయా; ఉజ్జియా జెకర్యా కుమారుడు, జెకర్యా అమర్యా కుమారుడు, అమర్యా షెఫట్య కుమారుడు, షెఫట్య మహలలేలు కుమారుడు, మహలలేలు పెరెసు+ వంశస్థుడు.
5 అలాగే బారూకు కుమారుడైన మయశేయా; బారూకు కొల్హోజె కుమారుడు, కొల్హోజె హజాయా కుమారుడు, హజాయా అదాయా కుమారుడు, అదాయా యోయారీబు కుమారుడు, యోయారీబు జెకర్యా కుమారుడు, జెకర్యా షేలానీయుని కుమారుడు.
6 యెరూషలేములో నివసించిన పెరెసు వంశస్థులందరూ 468 మంది బలాఢ్యులు.
7 బెన్యామీను ప్రజల్లో: మెషుల్లాము కుమారుడైన సల్లు;+ మెషుల్లాము యోవేదు కుమారుడు, యోవేదు పెదాయా కుమారుడు, పెదాయా కోలాయా కుమారుడు, కోలాయా మయశేయా కుమారుడు, మయశేయా ఈతీయేలు కుమారుడు, ఈతీయేలు యెషాయా కుమారుడు.
8 అతని తర్వాత గబ్బయి, సల్లయి; మొత్తం 928 మంది;
9 జిఖ్రీ కుమారుడైన యోవేలు వాళ్ల పర్యవేక్షకుడు; హాసెనూయా కుమారుడైన యూదా ఆ నగరానికి ఉప అధిపతి.
10 యాజకుల్లో: యోయారీబు కుమారుడైన యెదాయా, యాకీను,+
11 శెరాయా; ఈ శెరాయా హిల్కీయా కుమారుడు, హిల్కీయా మెషుల్లాము కుమారుడు, మెషుల్లాము సాదోకు కుమారుడు, సాదోకు మెరాయోతు కుమారుడు, మెరాయోతు సత్యదేవుని మందిర* అధిపతైన అహీటూబు+ కుమారుడు;
12 అలాగే మందిర పని చేసిన అతని సహోదరులు; మొత్తం 822 మంది; అలాగే యెరోహాము కుమారుడైన అదాయా; యెరోహాము పెలల్యా కుమారుడు, పెలల్యా అమ్జీ కుమారుడు, అమ్జీ జెకర్యా కుమారుడు, జెకర్యా పషూరు+ కుమారుడు, పషూరు మల్కీయా కుమారుడు;
13 పూర్వీకుల కుటుంబాల పెద్దలైన అతని సహోదరులు; మొత్తం 242 మంది; అలాగే అజరేలు కుమారుడైన అమష్షయి; అజరేలు అహజై కుమారుడు, అహజై మెషిల్లేమోతు కుమారుడు, మెషిల్లేమోతు ఇమ్మేరు కుమారుడు;
14 బలాఢ్యులూ ధైర్యవంతులూ అయిన వాళ్ల సహోదరులు; మొత్తం 128 మంది. వాళ్ల పర్యవేక్షకుడు జబ్దీయేలు, ఇతను ఒక ప్రముఖ కుటుంబానికి చెందినవాడు.
15 లేవీయుల్లో: హష్షూబు కుమారుడైన షెమయా; హష్షూబు అజ్రీకాము కుమారుడు, అజ్రీకాము హషబ్యా కుమారుడు, హషబ్యా బున్నీ కుమారుడు;
16 లేవీయుల పెద్దల్లో షబ్బెతై,+ యోజాబాదు;+ వాళ్లు సత్యదేవుని మందిరం బయటి విషయాల్ని చూసుకునేవాళ్లు.
17 అలాగే మీకా కుమారుడైన మత్తన్యా;+ మీకా జబ్ది కుమారుడు, జబ్ది ఆసాపు కుమారుడు. మత్తన్యా స్తుతులు పాడడంలో నాయకత్వం వహిస్తూ ప్రార్థన చేసేటప్పుడు స్తుతి చెల్లించేవాడు.+ అతని సహాయకుడైన బక్బుక్యా, షమ్మూయ కుమారుడైన అబ్దా; షమ్మూయ గాలాలు కుమారుడు, గాలాలు యెదూతూను+ కుమారుడు.
18 పవిత్ర నగరంలోని లేవీయులందరూ 284 మంది.
19 ద్వారపాలకులు అక్కూబు, టల్మోను,+ అలాగే ద్వారాల దగ్గర కాపలా కాసే వాళ్ల సహోదరులు; మొత్తం 172 మంది.
20 ఇశ్రాయేలీయుల్లో, యాజకుల్లో, లేవీయుల్లో మిగతావాళ్లు యూదాలోని ఇతర నగరాలన్నిట్లో నివసించారు; ప్రతీ ఒక్కరు తమకు వారసత్వంగా వచ్చిన స్థలంలో* నివసించారు.
21 ఆలయ సేవకులు*+ ఓపెలులో+ నివసించారు; జీహా, గిష్పా ఆలయ సేవకుల* మీద అధికారులు.
22 యెరూషలేములోని లేవీయుల మీద బానీ కుమారుడైన ఉజ్జీ పర్యవేక్షకుడు; బానీ హషబ్యా కుమారుడు, హషబ్యా మత్తన్యా కుమారుడు, మత్తన్యా మీకా కుమారుడు, మీకా గాయకులైన ఆసాపు వంశస్థుల్లో ఒకడు; ఉజ్జీ సత్యదేవుని మందిర పని మీద అధికారి.
23 గాయకుల కోసం అప్పుడు ఒక రాజాజ్ఞ+ ఉండేది, వాళ్ల రోజువారీ అవసరాలు తీర్చడానికి ఒక నిర్దిష్ట ఏర్పాటు ఉండేది.
24 పెతహయా ప్రజలకు సంబంధించిన అన్ని విషయాల్లో రాజుకు సలహాదారుడిగా* ఉండేవాడు. ఈ పెతహయా మెషేజబెయేలు కుమారుడు, మెషేజబెయేలు యూదా కుమారుడైన జెరహు వంశస్థుడు.
25 పొలాలున్న పల్లెల విషయానికొస్తే, యూదా ప్రజలు కొంతమంది కిర్యతర్బాలో,+ దాని చుట్టుపక్కల పట్టణాల్లో; దీబోనులో, దాని చుట్టుపక్కల పట్టణాల్లో; యెకబ్సెయేలులో,+ దాని పల్లెల్లో నివసించారు.
26 అలాగే యేషూవలో, మోలాదాలో,+ బేత్-పెలెతులో,+
27 హజర్షువలులో,+ బెయేర్షెబాలో, దాని చుట్టుపక్కల పట్టణాల్లో;
28 సిక్లగులో,+ మెకోనాలో, దాని చుట్టుపక్కల పట్టణాల్లో;
29 ఏన్రిమ్మోనులో,+ జొర్యాలో,+ యర్మూతులో,
30 జానోహలో,+ అదుల్లాములో, దాని పల్లెల్లో; లాకీషులో,+ దాని పొలాల్లో; అజేకాలో,+ దాని చుట్టుపక్కల పట్టణాల్లో నివసించారు. వాళ్లు బెయేర్షెబా నుండి హిన్నోము లోయ+ వరకు స్థిరపడ్డారు.*
31 బెన్యామీను ప్రజలు గెబాలో,+ మిక్మషులో, ఆయాలో, అలాగే బేతేలులో,+ దాని చుట్టుపక్కల పట్టణాల్లో నివసించారు;
32 అలాగే అనాతోతులో,+ నోబులో,+ అనన్యాలో,
33 హాసోరులో, రామాలో,+ గిత్తయీములో,
34 హాదీదులో, జెబోయిములో, నెబల్లాటులో,
35 లోదులో, ఓనోలో,+ చేతిపని వారి లోయలో నివసించారు.
36 అంతకుముందు యూదాలో నివసించిన కొన్ని లేవీయుల గుంపులు బెన్యామీను ప్రాంతంలో స్థిరపడ్డాయి.
అధస్సూచీలు
^ లేదా “నెతీనీయుల్లో.” అక్ష., “ఇవ్వబడినవాళ్లలో.”
^ లేదా “ఆలయ.”
^ లేదా “తమ స్వాస్థ్యంలో.”
^ లేదా “నెతీనీయుల.” అక్ష., “ఇవ్వబడినవాళ్ల.”
^ లేదా “నెతీనీయులు.” అక్ష., “ఇవ్వబడినవాళ్లు.”
^ అక్ష., “రాజు చేతి దగ్గర.”
^ లేదా “డేరాలు వేసుకొని నివసించారు.”