పరమగీతం 7:1-13
7 “గొప్ప వ్యక్తిత్వం ఉన్న యువతీ,పాదరక్షలు ధరించిన నీ పాదాలు ఎంత అందంగా ఉన్నాయి!
నీ తొడల ఒంపులు కళాకారుడు మలిచిన ఆభరణాల్లా ఉన్నాయి.
2 నీ నాభి గుండ్రటి గిన్నె.
దానిలో ద్రాక్షారసం* ఎప్పుడూ తక్కువ కాకూడదు.
నీ ఉదరం, లిల్లీ పూల మధ్య ఉన్న గోధుమ రాశిలా ఉంది.
3 నీ రెండు స్తనాలు రెండు జింకపిల్లల్లా,కొండజింక కవల పిల్లల్లా ఉన్నాయి.+
4 నీ మెడ+ దంతపు గోపురంలా ఉంది.+
నీ కళ్లు,+ బాత్‌-రబ్బీము ద్వారం దగ్గరున్నహెష్బోను+ మడుగుల్లా ఉన్నాయి.
నీ ముక్కు, దమస్కు వైపు చూసేలెబానోను బురుజులా ఉంది.
5 నీ తల కర్మెలు+ పర్వతంలా,నీ కురులు+ ఊదారంగు ఉన్నిలా+ ఉన్నాయి.
పొడవుగా, అందంగా ఉన్న నీ శిరోజాలు రాజును కట్టిపడేశాయి.
6 ప్రియసఖీ, నువ్వెంత అందంగా, ఆహ్లాదకరంగా ఉన్నావు!నువ్వు నాకు అన్నిటికన్నా ఎక్కువ సంతోషం కలిగిస్తావు!
7 నువ్వు ఖర్జూర చెట్టులా సొగసైనదానివి,నీ స్తనాలు ఖర్జూర పండ్ల గుత్తుల్లా ఉన్నాయి.+
8 నేను, ‘ఖర్జూర చెట్టు ఎక్కి,గుత్తులున్న కొమ్మల్ని పట్టుకుంటాను’ అని అనుకున్నాను.
నీ స్తనాలు ద్రాక్ష గుత్తుల్లా,నీ శ్వాస ఆపిల్‌ పండ్ల సువాసనలా ఉండాలి,
9 నీ నోరు* శ్రేష్ఠమైన ద్రాక్షారసంలా ఉండాలి.”
“అది నా ప్రియుడి పెదాల మీదుగా ప్రవహించి,అతని గొంతులోకి మెల్లమెల్లగా దిగిపోవాలి.
10 నేను నా ప్రియుడికి సొంతం,+అతను నా కోసం తపిస్తున్నాడు.
11 ప్రియుడా, రా,మనం పొలాల దగ్గరికి వెళ్దాం;గోరింట+ చెట్ల మధ్య విశ్రాంతి తీసుకుందాం.
12 మనం ఉదయాన్నే లేచి ద్రాక్షతోటల దగ్గరికి వెళ్లి,ద్రాక్షతీగలు చిగురించాయో* లేదో,మొగ్గలు విచ్చుకున్నాయో లేదో,+దానిమ్మ చెట్లు పూతకొచ్చాయో లేదో చూద్దాం.+
నీ మీద నాకున్న ప్రేమను అక్కడ తెలియజేస్తాను.+
13 పుత్రదాత చెట్లు+ గుబాళిస్తున్నాయి;మా గుమ్మం దగ్గర అన్నిరకాల శ్రేష్ఠమైన పండ్లు ఉన్నాయి.+
నా ప్రియుడా, అప్పుడే కోసిన పండ్లను, పాత పండ్లనుఅన్నిటినీ నీ కోసం దాచి ఉంచాను.
