పరమగీతం 8:1-14
-
యువతి (1-4)
-
‘నువ్వు నా సహోదరుడి లాంటి వాడివైతే ఎంత బాగుండు!’ (1)
-
-
యువతి సహోదరులు (5ఎ)
-
‘తన ప్రియుడి మీద వాలిపోయిన ఈమె ఎవరు?’
-
-
యువతి (5బి-7)
-
“ప్రేమ మరణం అంత బలమైనది” (6)
-
-
యువతి సహోదరులు (8, 9)
-
“ఆమె ఒక ప్రాకారం అయితే, . . . ఆమె ఒక తలుపు అయితే, . . . ” (9)
-
-
యువతి (10-12)
-
“నేను ఒక ప్రాకారాన్ని” (10)
-
-
గొర్రెల కాపరి (13)
-
‘నీ స్వరం విననివ్వు’
-
-
యువతి (14)
-
‘కొండజింకలా పరుగెత్తుకుంటూ రా’
-
8 “నువ్వు నా తల్లి పాలు తాగిననా సహోదరుడి లాంటి వాడివైతే ఎంత బాగుండు!
నువ్వు నాకు బయట కనిపించినప్పుడు, నేను నిన్ను ముద్దుపెట్టుకుంటాను,+ఎవరూ నన్ను తప్పుగా చూడరు.
2 నేనే స్వయంగా నిన్ను మా అమ్మ ఇంటికి,నాకు ఉపదేశం ఇచ్చిన నా తల్లి ఇంటికి తీసుకెళ్తాను,+మసాలాలు కలిపిన ద్రాక్షారసాన్ని,
తాజా దానిమ్మ రసాన్ని నీకు ఇస్తాను.
3 అతని ఎడమచెయ్యి నా తల కింద ఉంటుంది,తన కుడిచేతితో అతను నన్ను హత్తుకుంటాడు.+
4 యెరూషలేము కూతుళ్లారా, నేను మీతో ఒట్టు వేయిస్తున్నాను:
ప్రేమ దానంతటదే నాలో మేల్కొనే వరకు దాన్ని లేపడానికి ప్రయత్నించకండి.”+
5 “తన ప్రియుడి మీద వాలిపోయిఎడారి నుండి వస్తున్న ఈమె ఎవరు?”
“ఆపిల్‌ చెట్టు కింద నేను నిన్ను నిద్రలేపాను.
అక్కడ మీ అమ్మ నిన్ను కనడానికి ప్రసవవేదన పడింది.
నిన్ను కన్న తల్లి అక్కడ పురిటినొప్పులు పడింది.
6 నన్ను నీ హృదయం మీద,నీ బాహువు మీద ముద్రగా పెట్టుకో,ఎందుకంటే ప్రేమ మరణం అంత బలమైనది,+అది సమాధి* అంత పట్టుదలగా నమ్మకత్వాన్ని కోరుకుంటుంది.
దాని జ్వాలలు అగ్ని జ్వాలలు, అది యెహోవా* పుట్టించే జ్వాల.+
7 ఉప్పొంగే జలాలు ప్రేమను ఆర్పలేవు,+నదీ ప్రవాహాలు దాన్ని ముంచేయలేవు.+
ప్రేమ కోసం ఒక వ్యక్తి తన ఇంట్లోని సంపదంతా ఇచ్చినాఅది తిరస్కరించబడుతుంది.”*
8 “మాకొక చిట్టి చెల్లెలు+ ఉంది,ఆమెకు ఇంకా రొమ్ములు రాలేదు.
ఆమెకు పెళ్లి నిశ్చయమయ్యే రోజుఆమె కోసం మేము ఏం చేయాలి?”
9 “ఆమె ఒక ప్రాకారం అయితే,దానిమీద మేము వెండితో పిట్టగోడ కడతాం,ఆమె ఒక తలుపు అయితే,దేవదారు పలకతో దాన్ని మూసేస్తాం.”
10 “నేను ఒక ప్రాకారాన్ని,నా రొమ్ములు బురుజుల లాంటివి.
కాబట్టి, అతని దృష్టిలో నేనునెమ్మది పొందిన దానిలా ఉన్నాను.
11 బయల్‌-హామోనులో సొలొమోనుకు ఒక ద్రాక్షతోట ఉండేది.+
దాన్ని అతను కౌలుకిచ్చాడు.
దాని పంట కోసం వాళ్లలో ప్రతీ ఒక్కరు వెయ్యి వెండి రూకలు ఇచ్చేవాళ్లు.
12 సొలొమోనూ, నాకూ ఒక ద్రాక్షతోట ఉంది.
ఆ వెయ్యి వెండి రూకలు* నీ దగ్గరే ఉంచుకో,రెండు వందల వెండి రూకలు దాన్ని సేద్యం చేసేవాళ్లకే ఉండనివ్వు.”
13 “తోటల్లో నివసించేదానా,+సహచరులు నీ స్వరం వినాలని ఎదురుచూస్తున్నారు.
నన్ను కూడా విననివ్వు.”+
14 “నా ప్రియుడా, త్వరగా రా,సుగంధ ద్రవ్యాలు పండే పర్వతాల మీదుగాకొండజింకలా, పడుచు దుప్పిలా పరుగెత్తుకుంటూ రా.”+
అధస్సూచీలు
^ అక్ష., “యా.” ఇది యెహోవా పేరుకు సంక్షిప్త రూపం.
^ లేదా “అతను తిరస్కరించబడతాడు” అయ్యుంటుంది.
^ అక్ష., “ఆ వెయ్యి.”
