యెషయా 15:1-9
-
మోయాబు గురించి తీర్పు సందేశం (1-9)
15 మోయాబు గురించిన సందేశం:+
మోయాబులోని ఆరు+ రాత్రికిరాత్రే నాశనం చేయబడింది,అందుకే అది నిశ్శబ్దంగా ఉంది.
మోయాబులోని కీరు+ రాత్రికిరాత్రే నాశనం చేయబడింది,అందుకే అది నిశ్శబ్దంగా ఉంది.
2 అతను ఏడ్వడం కోసం గుడికి, దీబోనుకు,+ఉన్నత స్థలాలకు ఎక్కివెళ్లాడు.
మోయాబు నెబో+ గురించి, మేదెబా+ గురించి బోరున ఏడుస్తోంది.
ప్రతీ తల బోడి చేయబడింది,+ ప్రతీ గడ్డం కత్తిరించబడింది.+
3 దాని వీధుల్లో వాళ్లు గోనెపట్ట కట్టుకున్నారు.
తమ పైకప్పుల మీద, సంతవీధుల్లో దుఃఖిస్తున్నారు;వాళ్లు ఏడుస్తూ కిందికి దిగుతున్నారు.+
4 హెష్బోను, ఏలాలే+ కేకలు వేస్తున్నాయి;వాటి స్వరం యాహజు+ వరకు వినిపిస్తోంది.
అందుకే ఆయుధాలు ధరించిన మోయాబు సైనికులు అరుస్తున్నారు.
అతను భయంతో వణికిపోతున్నాడు.
5 మోయాబు గురించి నా హృదయం విలపిస్తోంది.
దాని శరణార్థులు సోయరు+ వరకు, ఎగ్లాత్‌-షలీషియా+ వరకు పారిపోయారు.
వాళ్లు లూహీతుకు ఎక్కివెళ్లే మార్గంలో ఏడుస్తూ నడుస్తున్నారు;హొరొనయీముకు వెళ్లే మార్గంలో నడుస్తూ విపత్తును బట్టి కేకలు వేస్తున్నారు.+
6 ఎందుకంటే నిమ్రీము నీళ్లు ఎండిపోయాయి;పచ్చగడ్డి ఎండిపోయింది,గడ్డి లేకుండా పోయింది, పచ్చనిదేదీ మిగల్లేదు.
7 అందుకే వాళ్లు తమ గోదాముల్లో, తమ సంపదల్లో మిగిలినవాటిని మోసుకెళ్తున్నారు;నిరవంజి చెట్ల లోయను* దాటివెళ్తున్నారు.
8 వాళ్ల రోదన మోయాబు ప్రాంతమంతటా+ మారుమోగుతోంది.
ఆ ఏడ్పు ఎగ్లయీము వరకు,బెయేరేలీము వరకు వినిపిస్తోంది.
9 ఎందుకంటే దీమోను నీళ్లు రక్తంతో నిండిపోయాయి,నేను దీమోనుకు చేయాల్సింది ఇంకా ఉంది:
మోయాబులో తప్పించుకున్న వాళ్ల కోసం,దేశంలో మిగిలివున్న వాళ్ల కోసం నేను ఒక సింహాన్ని రప్పిస్తాను.+
అధస్సూచీలు
^ లేదా “వాగును.”
