యెహోషువ 16:1-10
16 చీట్లు వేసినప్పుడు+ యోసేపు వంశస్థులకు+ వచ్చిన ప్రాంతం ఏదంటే, యెరికో దగ్గర ఉన్న యొర్దాను నుండి యెరికో తూర్పు వైపు ఉన్న నీళ్ల వరకు, యెరికో ఎదురుగా ఉన్న ఎడారి నుండి బేతేలు పర్వత ప్రాంతం వరకు.+
2 అది లూజు దగ్గర ఉన్న బేతేలు నుండి అర్కీయుల సరిహద్దు అయిన అతారోతు వరకు కొనసాగింది,
3 తర్వాత అది కిందికి పడమటి వైపు యప్లేతీయుల సరిహద్దు వరకు, అక్కడి నుండి దిగువ బేత్‌-హోరోను+ సరిహద్దు వరకు, గెజెరు+ వరకు కొనసాగి సముద్రం దగ్గర ఆగిపోయింది.
4 అలా యోసేపు వంశస్థులైన మనష్షే, ఎఫ్రాయిము గోత్రాలవాళ్లు తమ భూమిని స్వాధీనం చేసుకున్నారు.+
5 వాళ్లవాళ్ల కుటుంబాల ప్రకారం ఎఫ్రాయిము వంశస్థుల సరిహద్దు ఇది: తూర్పు వైపు వాళ్ల సరిహద్దు అతారోతు-అద్దారు నుండి ఎగువ బేత్‌-హోరోను+ వరకు సాగి,
6 సముద్రం వరకు విస్తరించింది. ఆ సరిహద్దు ఉత్తరాన ఉన్న మిక్మెతాతు+ నుండి తూర్పు వైపుగా తానాత్షీలో వరకు చుట్టూ తిరిగి, తూర్పున యానోహా వైపు కొనసాగింది.
7 ఆ తర్వాత యానోహా నుండి కిందికి అతారోతు, నయరా మీదుగా యెరికో+ వరకు వెళ్లి, యొర్దాను దాకా విస్తరించింది.
8 తప్పూయ+ నుండి ఆ సరిహద్దు పడమటి వైపు కానా వాగు దాకా సాగి సముద్రం+ దగ్గర ఆగిపోయింది. వాళ్లవాళ్ల కుటుంబాల్ని బట్టి ఎఫ్రాయిము గోత్రానికి వారసత్వంగా వచ్చిన భూమి ఇది.
9 మనష్షేకు వారసత్వంగా వచ్చిన ప్రాంతాల్లో కూడా ఎఫ్రాయిము వంశస్థులకు కొన్ని నగరాలు, వాటి పల్లెలు ఉన్నాయి.
10 కానీ వాళ్లు గెజెరులో నివసిస్తున్న కనానీయుల్ని వెళ్లగొట్టలేదు. కనానీయులు ఈ రోజు వరకు ఎఫ్రాయిమీయుల మధ్య నివసిస్తున్నారు.+ వాళ్ల చేత ఎఫ్రాయిమీయులు వెట్టిచాకిరి చేయించుకున్నారు.
