యోబు 12:1-25
12 అప్పుడు యోబు ఇలా అన్నాడు:
2 “నిజంగా, అన్నీ మీకే తెలుసు,తెలివి మీతోపాటే అంతరించిపోతుంది!
3 అయితే నాకు కూడా అవగాహన ఉంది.
నేను మీకన్నా తక్కువవాణ్ణేం కాదు.
ఈ విషయాలు తెలియని వాళ్లెవరు?
4 జవాబు కోసం దేవునికి మొరపెట్టుకుంటున్న+ నన్ను చూసినా సహచరులు నవ్వుకుంటున్నారు.+
నీతిమంతుణ్ణి, నిందలేనివాణ్ణి చూసి అంతా నవ్వుకుంటారు.
5 నిశ్చింతగా ఉన్నవాళ్లు విపత్తును హేళన చేస్తారు,అది తడబడేవాళ్ల మీదికే వస్తుందని వాళ్లనుకుంటారు.
6 దోపిడీ దొంగల డేరాలు నెమ్మదిగా ఉన్నాయి,+దేవునికి కోపం తెప్పించేవాళ్లు క్షేమంగా ఉన్నారు,+వాళ్ల దేవుడు వాళ్ల చేతుల్లోనే ఉన్నాడు.
7 దయచేసి జంతువుల్ని అడుగు, అవి నీకు ఉపదేశిస్తాయి;ఆకాశపక్షుల్ని అడుగు, అవి నీకు చెప్తాయి.
8 భూమి గురించి ఆలోచించు,* అది నీకు బోధిస్తుంది;సముద్రంలోని చేపలు నీకు ప్రకటిస్తాయి.
9 యెహోవా చెయ్యే అవన్నీ చేసిందనివీటిలో దేనికి తెలీదు?
10 ప్రతీ జీవి ప్రాణం, ప్రతీ మనిషి ఊపిరి*ఆయన చేతిలోనే ఉన్నాయి.+
11 నాలుక* ఆహారాన్ని రుచి చూసినట్టు,చెవి మాటల్ని పరీక్షించదా?+
12 వృద్ధుల దగ్గర తెలివి ఉంటుంది.+దీర్ఘాయుష్షు వల్ల అవగాహన వస్తుంది.
13 తెలివి, బలం ఆయన దగ్గర ఉన్నాయి,+ఆయన సంకల్పం, అవగాహన గల దేవుడు.+
14 ఆయన దేన్నైనా పడగొడితే, దాన్ని తిరిగి కట్టడం అసాధ్యం;+ఆయన మూసినదాన్ని ఎవరూ తెరవలేరు.
15 ఆయన వర్షం కురిపించకపోతే, అన్నీ ఎండిపోతాయి;+ఆయన వర్షం కురిపించినప్పుడు, నీళ్లు భూమిని ముంచెత్తుతాయి.+
16 బలం, తెలివి* ఆయన దగ్గర ఉన్నాయి;+దారితప్పేవాళ్లు, దారి తప్పించేవాళ్లు ఆయన చేతిలో ఉన్నారు;
17 ఆయన, సలహాదారుల్ని వట్టికాళ్లతో నడిపిస్తాడు,*న్యాయమూర్తుల్ని వెర్రివాళ్లను చేస్తాడు.+
18 రాజుల అధికారాన్ని కొట్టివేసి,+వాళ్లను బానిసలుగా చేస్తాడు.
19 యాజకుల్ని వట్టికాళ్లతో నడిపిస్తాడు,+బలంగా పాతుకుపోయిన వాళ్లను పడదోస్తాడు;+
20 నమ్మకమైన సలహాదారుల నోళ్లు మూసేస్తాడు,వృద్ధుల* వివేకాన్ని తీసేస్తాడు;
21 ప్రముఖుల్ని అవమానాలపాలు చేస్తాడు,+బలవంతుల్ని బలహీనులుగా చేస్తాడు;
22 చీకట్లోని లోతైన విషయాల్ని వెల్లడిచేస్తాడు,+కటిక చీకటిని వెలుగులోకి తీసుకొస్తాడు;
23 దేశాల్ని గొప్పవిగా చేసి నాశనం చేస్తాడు;దేశాల్ని విస్తరింపజేసి చెరలోకి తీసుకెళ్తాడు.
24 ప్రజల నాయకుల అవగాహనను తీసేసి,వాళ్లు దారులు లేని పనికిరాని ప్రదేశాల్లో తిరిగేలా చేస్తాడు.+
25 వాళ్లు వెలుగులేని చోట చీకట్లో తడవులాడతారు;+ఆయన వాళ్లను తాగినవాళ్లలా తూలేటట్టు చేస్తాడు.+
అధస్సూచీలు
^ లేదా “భూమితో మాట్లాడు” అయ్యుంటుంది.
^ పదకోశంలో “రూ-ఆహ్‌; న్యూమా” చూడండి.
^ అక్ష., “అంగిలి.”
^ లేదా “ఆచరణాత్మక తెలివి.”
^ లేదా “ఏమీ లేనివాళ్లుగా చేస్తాడు.”
^ లేదా “పెద్దల.”
