సామెతలు 23:1-35
23 రాజుతో కలిసి భోజనానికి కూర్చున్నప్పుడునీ పరిస్థితి గురించి జాగ్రత్తగా ఆలోచించుకో;
2 నువ్వు భోజనప్రియుడివైతేనీ గొంతుకు కత్తి పెట్టుకో.*
3 అతని రుచిగల ఆహారపదార్థాల్ని ఆశించకు,వాటిని చూసి మోసపోకు.
4 ఆస్తిని సంపాదించడానికి అతిగా ప్రయాసపడకు.+
కాస్త ఆగి, అవగాహన చూపించు.*
5 నీ చూపు దానిమీద పడగానే, అది లేకుండా పోతుంది;+అది గద్దలా రెక్కలు కట్టుకొని ఆకాశంలోకి ఎగిరిపోతుంది.+
6 పిసినారి ఆహారం తినకు;అతని రుచిగల ఆహారపదార్థాల్ని ఆశించకు.
7 ఎందుకంటే అతను లెక్కలు చూసుకుంటాడు.
“తిను, తాగు” అని అతను నీతో అంటాడు, కానీ ఆ మాటలు మనసులో నుండి రావు.
8 నువ్వు తిన్న ముద్దల్ని కూడా కక్కేస్తావు,నీ ప్రశంసలు వృథా అయిపోతాయి.
9 మూర్ఖునితో మాట్లాడకు,+నీ మాటల్లోని తెలివిని అతను నీచంగా చూస్తాడు.+
10 పురాతన సరిహద్దు రాయిని జరపకు,+తండ్రిలేని వాళ్ల పొలంలోకి చొరబడకు.
11 వాళ్ల రక్షకుడు* బలమైనవాడు;వాళ్ల తరఫున ఆయన నీతో వాదిస్తాడు.+
12 క్రమశిక్షణ మీద మనసుపెట్టు,జ్ఞాన వాక్కుల్ని చెవిపెట్టి విను.
13 బాలుడికి* క్రమశిక్షణ ఇవ్వకుండా ఉండకు.+
బెత్తంతో* కొడితే అతనేమీ చనిపోడు.
14 సమాధిలోకి* వెళ్లకుండా అతన్ని కాపాడాలంటే,అతన్ని బెత్తంతో కొట్టాలి.
15 నా కుమారుడా, నీ హృదయం తెలివిని సంపాదిస్తేనా హృదయం కూడా సంతోషిస్తుంది.+
16 నీ పెదాలు సరైన మాటలు మాట్లాడితేనా అంతరంగం* సంతోషిస్తుంది.
17 పాపుల్ని చూసి నీ హృదయాన్ని ఈర్ష్య పడనివ్వకు,+బదులుగా రోజంతా యెహోవా పట్ల భయభక్తులు కలిగివుండు;+
18 అలాచేస్తే నీకు మంచి భవిష్యత్తు ఉంటుంది,+నీ ఆశ భంగం కాదు.
19 నా కుమారుడా, విని తెలివి సంపాదించు,నీ హృదయాన్ని సరైన దారిలో నడిపించు.
20 ద్రాక్షారసం ఎక్కువగా తాగేవాళ్లతో,+మాంసం అతిగా తినేవాళ్లతో సహవసించకు;+
21 ఎందుకంటే తాగుబోతులు, తిండిబోతులు పేదవాళ్లౌతారు,+నిద్రమత్తు వల్ల చింపిరిగుడ్డలు వేసుకునే పరిస్థితి వస్తుంది.
22 నీకు జన్మనిచ్చిన నీ తండ్రి మాట విను,కేవలం వయసైపోయిందనే కారణంతో నీ తల్లిని నీచంగా చూడకు.+
23 సత్యాన్ని కొనుక్కో,* దాన్ని ఎన్నడూ అమ్మకు,+తెలివి, క్రమశిక్షణ, అవగాహన విషయంలో కూడా అంతే.+
24 నీతిమంతుని తండ్రి ఖచ్చితంగా సంతోషిస్తాడు;తెలివిగలవాణ్ణి కన్న వ్యక్తి అతన్ని బట్టి ఆనందిస్తాడు.
25 నీ తల్లిదండ్రులు సంతోషిస్తారు,నిన్ను కన్న తల్లి ఆనందిస్తుంది.
26 నా కుమారుడా, నీ హృదయాన్ని నాకు ఇవ్వు,నా మార్గాలు నీ కళ్లకు ఆహ్లాదకరంగా ఉండాలి.+
27 ఎందుకంటే వేశ్య లోతైన గొయ్యి,అనైతిక* స్త్రీ ఇరుకైన బావి.+
28 ఆమె దోపిడీ దొంగలా కాపుకాస్తుంది;+పురుషుల్లో నమ్మకద్రోహుల సంఖ్యను పెంచుతుంది.
29 ఎవరికి శ్రమ? ఎవరికి ఆందోళన?
ఎవరికి గొడవలు? ఎవరికి ఫిర్యాదులు?
ఎవరికి కారణం లేకుండా గాయాలు? ఎవరికి మసక చూపు?
30 అస్తమానం ద్రాక్షారసం తాగుతూ,+కలిపిన* ద్రాక్షారసం కోసం వెతికే* వాళ్లకే కదా.
31 గిన్నెలో తళతళలాడుతూ, తాగడానికి రుచిగా ఉండేద్రాక్షారసపు ఎర్రని రంగును చూడకు.
32 చివరికి అది పాములా కాటేస్తుంది,విషసర్పంలా విషాన్ని వెళ్లగక్కుతుంది.
33 నీ కళ్లకు ఏవేవో కనిపిస్తాయి,నీ హృదయం తప్పుడు మాటలు మాట్లాడుతుంది.+
34 నువ్వు నడి సముద్రంలో పడుకున్న వాడిలా,ఓడ కొయ్య అంచున పడుకున్న వాడిలా ఉంటావు.
35 నువ్వు ఇలా అనుకుంటావు: “వాళ్లు నన్ను కొట్టారు, కానీ నాకు తగల్లేదు.*
నా మీద దెబ్బలు పడ్డాయి కానీ ఆ విషయం నాకు గుర్తులేదు.
నేను నిద్రలేచినప్పుడు+
మళ్లీ తాగడానికి వెళ్తాను.”*
అధస్సూచీలు
^ లేదా “నిన్ను నువ్వు అదుపులో పెట్టుకో.”
^ లేదా “నీ సొంత అవగాహన మీద ఆధారపడడం మానేయి” అయ్యుంటుంది.
^ అక్ష., “విమోచకుడు.”
^ ఇది దిద్దుబాటును లేదా అధికారాన్ని సూచించవచ్చు.
^ లేదా “పిల్లవాడికి; యౌవనుడికి.”
^ అక్ష., “మూత్రపిండాలు.”
^ లేదా “సంపాదించు.”
^ అక్ష., “విదేశీ.” సామెతలు 2:16 చూడండి.
^ లేదా “ఘాటైన.”
^ లేదా “రుచి చూడడానికి సమకూడే.”
^ లేదా “నొప్పి తెలియలేదు.”
^ లేదా “మళ్లీ దాన్ని వెతుకుతాను.”
