సామెతలు 28:1-28
28 ఎవరూ తరమకుండానే దుష్టుడు పారిపోతాడు,నీతిమంతుడు సింహంలా ధైర్యంగా ఉంటాడు.+
2 దేశ ప్రజలు అపరాధం* చేస్తుంటే, అధిపతులు ఒకరి తర్వాత ఒకరు మారిపోతుంటారు,+వివేచన, జ్ఞానం ఉన్న వ్యక్తి సహాయంతో అధిపతి* ఎక్కువకాలం పరిపాలిస్తాడు.+
3 దీనుల్ని మోసం చేసే పేదవాడు+పంట అంతా నాశనం చేసే వర్షం లాంటివాడు.
4 ధర్మశాస్త్రాన్ని విడిచిపెట్టేవాళ్లు దుష్టుల్ని పొగుడుతారు,ధర్మశాస్త్రాన్ని పాటించేవాళ్లు వాళ్లతో పోరాడతారు.+
5 చెడ్డవాళ్లు న్యాయాన్ని అర్థంచేసుకోలేరు,యెహోవాను వెతికేవాళ్లు ప్రతీది అర్థంచేసుకోగలరు.+
6 అవినీతి మార్గాల్ని అనుసరించే ధనవంతుడి కన్నాయథార్థంగా నడుచుకునే పేదవాడు నయం.+
7 అవగాహన ఉన్న కుమారుడు ధర్మశాస్త్రాన్ని పాటిస్తాడు,తిండిబోతులతో సహవాసం చేసేవాడు తన తండ్రికి అవమానం తీసుకొస్తాడు.+
8 వడ్డీతో,+ అక్రమ లాభంతో ఆస్తిని పెంచుకునేవాడుపేదవాళ్ల మీద దయ చూపించేవాడి కోసం దాన్ని పోగుచేస్తున్నాడు.+
9 ధర్మశాస్త్రాన్ని వినడానికి ఇష్టపడనివాళ్ల ప్రార్థన అసహ్యం.+
10 నిజాయితీపరుణ్ణి మోసం చేసి చెడ్డ దారిలోకి లాగేవాడుతాను తవ్విన గోతిలో తానే పడతాడు;+
ఏ నిందా లేనివాళ్లు మంచి ప్రతిఫలం పొందుతారు.+
11 ధనవంతుడు తన దృష్టిలో తానే తెలివిగలవాడు,+కానీ వివేచనగల పేదవాడు అతన్ని పరిశోధిస్తాడు.*+
12 నీతిమంతుడు గెలిచినప్పుడు గొప్ప ఘనత కలుగుతుంది,దుష్టులు అధికారంలోకి వచ్చినప్పుడు ప్రజలు దాక్కుంటారు.+
13 తన దోషాన్ని కప్పిపెట్టేవాడు వర్ధిల్లడు,*+వాటిని ఒప్పుకొని విడిచిపెట్టేవాడి మీద కరుణ చూపించబడుతుంది.+
14 ఎప్పుడూ జాగ్రత్తగా* ఉండేవాడు సంతోషంగా ఉంటాడు,తన హృదయాన్ని కఠినం చేసుకునేవాడు ఆపదలో పడతాడు.+
15 నిస్సహాయుల మీద పరిపాలన చేసే దుష్టుడుగుర్రుమనే సింహం లాంటివాడు,
ముందుకు దూకే ఎలుగుబంటి లాంటివాడు.+
16 వివేచనలేని నాయకుడు అధికారాన్ని దుర్వినియోగం చేస్తాడు,అక్రమ లాభాన్ని ద్వేషించేవాడు ఆయుష్షు పెంచుకుంటాడు.+
17 ప్రాణం తీసి రక్తాపరాధం మూటగట్టుకునేవాడు సమాధికి* చేరేవరకు పారిపోతూనే ఉంటాడు,+
ఎవ్వరూ అతనికి మద్దతు ఇవ్వకూడదు.
18 తప్పు లేకుండా నడుచుకునేవాడు రక్షించబడతాడు,+వంకర మార్గాల్ని అనుసరించేవాడు ఉన్నట్టుండి పడిపోతాడు.+
19 తన పొలాన్ని సాగుచేసే వాడికి ఆహారం సమృద్ధిగా ఉంటుంది,వ్యర్థమైన వాటిని వెంబడించేవాడు కటిక పేదరికంలో పడతాడు.+
20 నమ్మకమైనవాడు ఎన్నో దీవెనలు పొందుతాడు,+ధనవంతుడు అవ్వడానికి తొందరపడేవాడు నిర్దోషిగా ఉండడు.+
21 పక్షపాతం చూపించడం మంచిదికాదు;+రొట్టె ముక్క కోసం ఒక వ్యక్తి తప్పు చేసే అవకాశముంది.
22 ఈర్ష్యపరుడు* సంపదల కోసం ఆరాటపడతాడు,తనకు పేదరికం రాబోతుందని అతనికి తెలీదు.
23 నాలుకతో పొగిడేవాడి కన్నా గద్దించేవాడు+చివరికి ఎక్కువ దయ పొందుతాడు.+
24 అమ్మానాన్నల్ని దోచుకొని “అదేం తప్పు కాదు” అనేవాడు,+
నాశనం చేసేవాడికి భాగస్వామి.
25 అత్యాశపరుడు* విభేదాలు సృష్టిస్తాడు,యెహోవా మీద ఆధారపడేవాడు వర్ధిల్లుతాడు.+
26 తన హృదయాన్ని నమ్ముకునేవాడు మూర్ఖుడు,కానీ తెలివితో నడుచుకునేవాడు తప్పించుకుంటాడు.+
27 పేదవాళ్లకు ఇచ్చేవాడికి ఏ లోటూ ఉండదు,+వాళ్లను పట్టించుకోకుండా కళ్లు మూసుకునే వాడికి చాలా శాపాలు వస్తాయి.
28 దుష్టులు అధికారంలోకి వచ్చినప్పుడు ప్రజలు దాక్కుంటారు,వాళ్లు నశించిపోయినప్పుడు నీతిమంతులు ఎక్కువౌతారు.+
అధస్సూచీలు
^ లేదా “తిరుగుబాటు.”
^ అక్ష., “అతను.”
^ లేదా “అతను ఎలాంటివాడో పసిగడతాడు.”
^ లేదా “విజయం సాధించడు.”
^ లేదా “దేవునికి భయపడుతూ.”
^ లేదా “గోతికి.”
^ లేదా “అత్యాశపరుడు.”
^ లేదా “అహంకారి” అయ్యుంటుంది.
