హోషేయ 13:1-16
13 “ఎఫ్రాయిము మాట్లాడినప్పుడు, ప్రజలు భయంతో వణికిపోయేవాళ్లు;అతను ఇశ్రాయేలులో ప్రముఖుడు.+
కానీ అతను బయలును పూజించడం ద్వారా పాపం చేసి,+ చనిపోయాడు.
2 ఇప్పుడు వాళ్ల పాపాలు ఇంకా పెరిగిపోతున్నాయి.వాళ్లు తమ వెండితో పోత* విగ్రహాలు చేసుకుంటున్నారు;+చేతిపనివాళ్లు నైపుణ్యంగా విగ్రహాలు తయారు చేస్తున్నారు.
‘బలులు అర్పించేవాళ్లు ఆ దూడల్ని ముద్దు పెట్టుకోవాలి’ అని వాటి గురించి అంటున్నారు.+
3 కాబట్టి వాళ్లు ఉదయకాల మేఘాల్లా,పొద్దున్నే త్వరగా మాయమైపోయే మంచు బిందువుల్లా,కళ్లం దగ్గర గాలికి ఎగిరిపోయే ధాన్యపు పొట్టులా,పొగ గొట్టం నుండి బయటికి పోయే పొగలా ఉంటారు.
4 కానీ నేను యెహోవాను, ఐగుప్తు దేశంలో ఉన్నప్పటి నుండి* నీ దేవుణ్ణి;+నేను తప్ప వేరే ఏ దేవుడూ నీకు తెలీదు,నేను తప్ప వేరే రక్షకుడు లేడు.+
5 ఎడారిలో, ఎండిపోయిన దేశంలో నేను నిన్ను చూసుకున్నాను.+
6 వాళ్లు తమ పచ్చిక మైదానాలతో తృప్తిచెందారు,+తృప్తిచెందాక వాళ్లకు పొగరెక్కింది.
దాంతో వాళ్లు నన్ను మర్చిపోయారు.+
7 నేను వాళ్లకు కొదమ సింహంలా,+దారిలో నక్కి ఉండే చిరుతపులిలా అవుతాను.
8 పిల్లల్ని పోగొట్టుకున్న ఎలుగుబంటిలా నేను వాళ్ల మీద పడి,వాళ్ల ఛాతిని చీల్చేస్తాను.
సింహంలా నేను అక్కడ వాళ్లను మింగేస్తాను;అడవి మృగం వాళ్లను ముక్కలుముక్కలుగా చీల్చేస్తుంది.
9 ఇశ్రాయేలూ, అది మిమ్మల్ని నాశనం చేస్తుంది,ఎందుకంటే, మీకు అండగా ఉన్న నా మీదే మీరు తిరుగుబాటు చేశారు.
10 ‘మాకు రాజును, అధిపతుల్ని’ ఇవ్వు అని మీరు అడిగారు కదా.+మీ నగరాలన్నిట్లో మిమ్మల్ని కాపాడే మీ రాజు ఎక్కడ?+మీ పరిపాలకులు* ఎక్కడ?
11 నేను కోపంతో మీకు రాజును ఇచ్చాను,+ఇప్పుడు మండే కోపంతో అతన్ని తీసేస్తాను.+
12 ఎఫ్రాయిము దోషం చుట్టబడింది;*అతని పాపం నిల్వచేయబడింది.
13 పురిటినొప్పుల లాంటి వేదనలు అతనికి వస్తాయి.
కానీ అతను తెలివిలేని పిల్లవాడు;పుట్టే సమయం వచ్చినప్పుడు అతను బయటికి రావాలనుకోడు.
14 సమాధి* బలం నుండి నేను వాళ్లను విడిపిస్తాను;చావు నుండి వాళ్లను తప్పిస్తాను.+
మరణమా, నీ విషపు కొండ్లు* ఎక్కడ?+
నాశనం చేసే సమాధీ, నువ్వు ఎక్కడ?+
నేను కనికరం చూపించను.
15 ఒకవేళ అతను జమ్ముగడ్డి మధ్య వర్ధిల్లినా,తూర్పు గాలి, అంటే యెహోవా గాలి వస్తుంది,అది ఎడారి నుండి వచ్చి అతని బావిని ఎండిపోజేస్తుంది, అతని ఊటను ఇంకిపోజేస్తుంది.
అతని ప్రశస్తమైన వస్తువుల ఖజానా అంతటినీ అది దోచుకెళ్తుంది.+
16 సమరయ అపరాధిగా ఎంచబడుతుంది,+ ఎందుకంటే అది తన దేవునికి ఎదురుతిరిగింది.+
వాళ్లు ఖడ్గం వల్ల చనిపోతారు,+వాళ్ల పిల్లల్ని ముక్కలుముక్కలు చేస్తారు,వాళ్ల గర్భిణీ స్త్రీల కడుపుల్ని చీల్చేస్తారు.”
అధస్సూచీలు
^ లేదా “లోహపు.”
^ అక్ష., “దేశం నుండి.”
^ అక్ష., “న్యాయమూర్తులు.”
^ లేదా “భద్రం చేయబడింది.”
^ లేదా “ముళ్లు.”