మీరు బాప్తిస్మం తీసుకోని యౌవనులా? లేదా బైబిలు విద్యార్థులా? అయితే మీకు బాప్తిస్మం తీసుకోవాలనే లక్ష్యం ఉందా? ఇంతకీ, మీరు బాప్తిస్మం ఎందుకు తీసుకోవాలనుకుంటున్నారు? యెహోవాతో ఒక ప్రత్యేకమైన సంబంధం కలిగి ఉండడానికి సమర్పణ, బాప్తిస్మం సహాయం చేస్తాయి. (కీర్త 91:1) అంతేకాదు, రక్షణ పొందడానికి సహాయం చేస్తాయి. (1పే 3:21) మీరు బాప్తిస్మానికి అర్హులు కావాలంటే ఏం చేయవచ్చు?

ఇదే సత్యమని నమ్మకం కుదుర్చుకోండి. మీ సందేహాలను తీర్చుకోవడానికి పరిశోధన చేయండి. (రోమా 12:2) మీరు ఏ మార్పులు చేసుకోవాలో గుర్తించండి. ఆ మార్పులు చేసుకుంటున్నప్పుడు యెహోవాను సంతోషపెట్టడం మీ లక్ష్యమై ఉండాలి. (సామె 27:11; ఎఫె 4:23, 24) సహాయం కోసం ఆయనకు ప్రార్థిస్తూ ఉండండి. యెహోవా తన శక్తివంతమైన పవిత్రశక్తిని ఇచ్చి మిమ్మల్ని బలపరుస్తాడని, మీకు మద్దతిస్తాడని నమ్మండి. (1పే 5:10, 11) మీరు చేసే కృషి వృథా కాదు. యెహోవాను సేవించడం కన్నా శ్రేష్ఠమైన జీవితం మరొకటి లేదు!—కీర్త 16:11.

బాప్తిస్మానికి నడిపించే మార్గం వీడియో చూడండి, తర్వాత ఈ ప్రశ్నలకు జవాబు ఇవ్వండి:

• బాప్తిస్మం తీసుకోవడానికి కొంతమంది ఎలాంటి సవాళ్లను అధిగమించారు?

• యెహోవాకు సమర్పించుకోవడానికి అవసరమైన విశ్వాసాన్ని మీరెలా పెంపొందించుకోవచ్చు?

• బాప్తిస్మానికి అర్హత సాధించేలా కొంతమంది ఏం చేశారు?

• యెహోవాను సేవించాలని నిర్ణయించుకునేవాళ్లు ఎలాంటి దీవెనలు పొందుతారు?

• సమర్పించుకోవడం, బాప్తిస్మం తీసుకోవడం అంటే ఏంటి?