ప్రపంచ పరిస్థితుల వల్ల ఆర్థిక సంక్షోభం ఎదురైనప్పుడు మనం షాక్‌ అవ్వం. ఎందుకు? ఎందుకంటే మనం చివరి రోజుల అంచుల్లో జీవిస్తున్నాం. అలాగే “నశించిపోయే సిరిసంపదల మీద” ఆశ పెట్టుకోవద్దని బైబిలు హెచ్చరిస్తుంది. (1తి 6:17; 2తి 3:1) మరి ఆర్థిక సంక్షోభం కోసం సిద్ధపడే విషయంలో రాజైన యెహోషాపాతు నుండి మనం ఏం నేర్చుకోవచ్చు?

శత్రువులు దాడిచేయడానికి వచ్చినప్పుడు యెహోషాపాతు యెహోవావైపు చూశాడు. (2ది 20:9-12) దాంతోపాటు ఆయన కొన్ని ముందస్తు చర్యలు తీసుకున్నాడు. అవేంటంటే, ప్రాకారాలుగల నగరాల్ని కట్టడం; సైనిక స్థావరాల్ని ఏర్పాటు చేయడం. (2ది 17:1, 2, 12, 13) యెహోషాపాతులాగే మనం కూడా యెహోవా మీద నమ్మకం ఉంచుతూ, కష్టాలు రాకముందే ముందస్తు చర్యలు తీసుకోవాలి.

విపత్తును ఎదుర్కోవడానికి మీరు సిద్ధంగా ఉన్నారా? వీడియో చూసి, ఈ ప్రశ్నలకు జవాబులు చెప్పండి:

• విపత్తు కోసం సిద్ధపడడానికి మీరేం చేయవచ్చు?

  మీ జవాబు

• వేరేవాళ్లకు సహాయం చేయడానికి మనం ఎలా సిద్ధపడవచ్చు?

  మీ జవాబు