మంచి పరిస్థితులు ఉండే లోకం దగ్గర్లో ఉందనే మంచివార్తను చెప్పడానికి నవంబరు నెలలో మనం ప్రత్యేకంగా కృషి చేస్తాం. (కీర్త 37:10, 11; ప్రక 21:3-5) ఈ ప్రచార కార్యక్రమంలో పూర్తిగా పాల్గొనడానికి మీ పనులను సర్దుబాటు చేసుకోండి. ఆ నెలలో మీరు సహాయ పయినీరు సేవ చేయాలనుకుంటే 30 లేదా 50 గంటలు చేయవచ్చు.

కొత్త లోకం గురించిన ఒక లేఖనాన్ని వీలైనంత ఎక్కువమందికి చెప్పడానికి సిద్ధపడండి. లేఖనాన్ని ఎంచుకునేటప్పుడు, మీ క్షేత్రంలోని ప్రజలకు ఏది ఆసక్తి కలిగిస్తుందో ఆలోచించండి. మొదటిసారి కలిసినప్పుడే ఎవరైనా ఆసక్తి చూపిస్తే, వాళ్లకు కావలికోట నం. 2 2021 సార్వజనిక పత్రికను ఇవ్వండి. తర్వాత, వీలైనంత త్వరగా రిటన్‌ విజిట్‌ చేసి, ఎల్లప్పుడూ సంతోషంగా జీవించండి! బ్రోషురు నుండి బైబిలు స్టడీ మొదలుపెట్టడానికి ప్రయత్నించండి. “మేలైన విషయాల గురించిన మంచివార్తను” చెప్పే పనిలో పూర్తిగా పాల్గొనడం ఎంత సంతోషాన్ని ఇస్తుందో కదా!—యెష 52:7.

కొత్త లోకం రాబోతుంది అనే ప్రత్యేక పాట వీడియో చూడండి, తర్వాత ఈ ప్రశ్నలకు జవాబు ఇవ్వండి:

• ఆ చిన్న పాప ఏ అద్భుతమైన భవిష్యత్తును ఊహించుకుంటుంది?

• కొత్త లోకంలో ఉండే ఏ పరిస్థితుల గురించి మీరు ఎదురుచూస్తున్నారు?

• మీ నిరీక్షణ గురించి ధ్యానించడం, నవంబరు నెలలో జరిగే ప్రచార కార్యక్రమంలో పూర్తిగా పాల్గొనేలా మిమ్మల్ని ఎలా సిద్ధం చేస్తుంది?—లూకా 6:45.