పాట 134
పిల్లలు యెహోవా ఇచ్చిన బాధ్యత
-
1. పిల్లలు యెహోవా ఇచ్చే
వెలకట్టలేని సంపదలు.
బాధ్యతగా పెంచాలి మీరు;
ఈ విషయం మరువద్దు.
జీవదాత, ప్రేమకు మూలం
యెహోవాయే ఇచ్చాడు నిర్దేశం.
ఈ జ్ఞానం పాటించి ఎప్పుడూ,
సరిగ్గా పెంచాలి పిల్లల్ని.
(పల్లవి)
ఈ బాధ్యత ఎంతో పవిత్రం;
అమూల్యము వాళ్ల ప్రాణం.
నేర్పించండి దేవుని మార్గం,
పొందాలంటే వాళ్లు జీవం.
-
2. దేవుని నియమాలన్నీ
హృదయంలో ఉండాలి ముందుగా;
పిల్లలకు నేర్పాలి మీరే,
నమ్మకంగా ప్రతీక్షణం.
బోధించండి ఏమి చేస్తున్నా,
ఉంటూ మీరు ఆదర్శప్రాయంగా;
మీ బాటలోనే నడుస్తారు,
తొలగిపోరు ఏనాటికీ.
(పల్లవి)
ఈ బాధ్యత ఎంతో పవిత్రం;
అమూల్యము వాళ్ల ప్రాణం.
నేర్పించండి దేవుని మార్గం,
పొందాలంటే వాళ్లు జీవం.
(ద్వితీ. 6:6, 7; ఎఫె. 6:4; 1 తిమో. 4:16 కూడా చూడండి.)
