2023 జనవరి, 27న అంతర్జాతీయ హోలోకాస్ట్‌ రిమెంబరెన్స్‌ డే (మారణహోమం బాధితుల్ని గుర్తుచేసుకునే రోజు) జరుపుకుంటారు. 75కన్నా ఎక్కువ ఏళ్ల క్రితం జరిగిన ఆ దారుణాన్ని దేవుడు ఎందుకు ఆపలేదు అని మీకు అనిపించవచ్చు.

•   బైబిలు ఏం చెప్తుందో తెలుసుకోవడానికి “మారణహోమం ఎందుకు జరిగింది? దేవుడు దాన్ని ఎందుకు ఆపలేదు?” అనే ఆర్టికల్‌ చదవండి.

 ఎంతోమంది యూదులు ఈ మారణహోమంలో బలయ్యారు. ఒక పథకం ప్రకారం లక్షలమందిని చంపేశారు. ఈ మారణహోమంలో వేరే గుంపుల వాళ్లను కూడా లక్ష్యంగా చేసుకుని, చంపేశారు. అందులో ఒక గుంపు యెహోవాసాక్షులు. వాళ్ల బైబిలు నమ్మకాల్ని బట్టి వాళ్లను హింసించారు.

•   ఎక్కువ తెలుసుకోవడానికి “మారణహోమం సమయంలో యెహోవాసాక్షులకు ఏమి జరిగింది?” అనే ఆర్టికల్‌ చూడండి.

 అలాంటి మారణహోమం మళ్లీ జరుగుతుందేమో అని చాలామంది భయపడుతున్నారు. అయితే అలాంటి దారుణాలేమీ జరగని మంచిరోజులు వస్తాయని బైబిలు చెప్తుంది.

•   “‘ఎందుకంటే, నేను మీకు ఏంచేయాలని అనుకుంటున్నానో నాకు తెలుసు. నేను మీకు విపత్తును కాదు శాంతిని దయచేస్తాను. మీకు మంచి భవిష్యత్తు, నిరీక్షణ ఉండేలా చేస్తాను’ అని యెహోవా అంటున్నాడు.”—యిర్మీయా 29:11. a

 దేవుడు చెడుతనం అంతటినీ తీసేసి, చెడ్డవాళ్ల వల్ల జరిగిన నష్టాన్ని సరిచేసినప్పుడు ఆ మాటలు నిజమౌతాయి. ఆయన త్వరలోనే ...

•   మోసం చేసే వాళ్లను భూమ్మీద లేకుండా చేస్తాడు.—సామెతలు 2:22.

•   బాధకు గురైన వాళ్ల గుండె కోతను మాన్పుతాడు.—ప్రకటన 21:4.

•   చనిపోయినవాళ్లను తిరిగి బ్రతికిస్తాడు.—యోహాను 5:28, 29.

 బైబిలు చెప్పే ఈ ఓదార్పుకరమైన మాటల్ని మీరు నమ్మవచ్చు. ఎందుకు నమ్మవచ్చో తెలుసుకోవడానికి యెహోవాసాక్షులు ఇచ్చే బైబిలు స్టడీ కోర్సు తీసుకోమని మిమ్మల్ని ఆహ్వానిస్తున్నాం.