పెరుగుతున్న రాజకీయ హత్యలు-దాడులు లోకాన్ని వణికిస్తున్నాయి.

•   2023-2024 ఎన్నికల సమయంలో మెక్సికోలో 39 మంది రాజకీయ అభ్యర్థులు హత్య చేయబడ్డారు. ముందెప్పుడూ జరగని ఈ సంఘటనల వల్ల అందరికీ దడ పట్టుకుంది.

•   ఈమధ్య యూరప్‌లో రాజకీయ దాడుల మోత మోగుతుంది. ఉదాహరణకు, 2024 మే 15న స్లోవేకియ ప్రధాన మంత్రిపై హత్యాప్రయత్నం జరిగింది.

•   2024, సెప్టెంబరు 15న మాజీ అధ్యక్షుడు డొనాల్డ్‌ ట్రంప్‌ని చంపడానికి రెండోసారి కుట్ర పన్నడంతో అమెరికా ఉలిక్కిపడింది.

 రాజకీయ దాడులు ఎందుకు ఇంత పెరిగిపోయాయి? అవి ఎప్పటికైనా ఆగుతాయా? బైబిలు ఏం చెప్తుంది?

 మన కాలాన్ని “చివరి రోజులు” అని పిలుస్తూ ఈ సమయంలో హింసకు, గొడవలకు దారితీసే అవలక్షణాలు ప్రజల్లో ఉంటాయని బైబిలు ముందే చెప్పింది.

•   “చివరి రోజుల్లో ప్రమాదకరమైన, కష్టమైన కాలాలు వస్తాయి. ఎందుకంటే ఇలాంటి మనుషులు ఉంటారు: . . . కృతజ్ఞత లేనివాళ్లు, విశ్వసనీయంగా ఉండనివాళ్లు, . . . మొండివాళ్లు, . . . క్రూరులు, . . . నమ్మకద్రోహులు, మూర్ఖులు, గర్వంతో ఉబ్బిపోయేవాళ్లు.”—2 తిమోతి 3:1-4.

 ఈ సమయంలో రాజకీయ గొడవలు, తిరుగుబాట్లు లాంటి అల్లకల్లోలమైన పరిస్థితులు సర్వసాధారణం అయిపోతాయని కూడా బైబిలు ముందే చెప్పింది. (లూకా 21:9, అధస్సూచి) కానీ ఈ రాజకీయ గందరగోళం ఒకరోజు ఆగిపోతుంది.

 దేవుడు మానవ ప్రభుత్వాల్ని తీసేసి, తన పరలోక ప్రభుత్వాన్ని తీసుకొస్తాడని బైబిలు వివరిస్తుంది.

•   “దేవుడు ఒక రాజ్యాన్ని స్థాపిస్తాడు, . . . అది ఆ [వేరే] రాజ్యాలన్నిటినీ నలగ్గొట్టి నాశనం చేస్తుంది, అదొక్కటే ఎప్పటికీ నిలుస్తుంది.”—దానియేలు 2:44.

 దేవుని రాజ్యం ప్రజలందర్నీ ఒకటి చేసి, భూమంతటా శాంతిని తీసుకొస్తుంది.

•   ఆ రాజ్యానికి రాజైన యేసుక్రీస్తుకు “శాంతికి అధిపతి” అనే పేరు కూడా ఉంది. ఆయన ‘అంతులేని శాంతి ఉండేలా’ చూసుకుంటాడు.—యెషయా 9:6, 7.

•   ఇప్పుడు కూడా, ఆ రాజ్యానికి చెందిన పౌరులు శాంతిగా ఎలా బ్రతకాలో నేర్చుకుంటున్నారు. అందుకే బైబిలు ఇలా చెప్తుంది: “వాళ్లు తమ ఖడ్గాల్ని నాగటి నక్కులుగా, తమ ఈటెల్ని మచ్చుకత్తులుగా సాగగొడతారు. దేశం మీదికి దేశం ఖడ్గం ఎత్తదు, వాళ్లిక యుద్ధం చేయడం నేర్చుకోరు.”—యెషయా 2:3, 4.

 ఎక్కువ తెలుసుకోవడానికి “దేవుని ప్రభుత్వం ఏమి చేస్తుంది?” అనే ఆర్టికల్‌ చదవండి, దేవుని రాజ్యం అంటే ఏమిటి? అనే వీడియో చూడండి.