EJAANAKINAK Ekapakina ejaanakinak aingarakin jo. Kilipit jo atupakin nuelimokinete kesi jo kanuikamunitos epaking, nuibusakinit jo aitup ilomuni toma keda ilomari kinga, icolongo, ka ace da.

AIBATISAO Arai caat icorakinitai ace, icolongo luka ngul luebeit aibatisaun, ejaunos ngaren. Naemukaga tupuruc ibusakinit ngul luebeit aibatisaun abunere aiboikin ngaren eringa einer loka aibatisao egeuna. Ibusakinit nginidiope kakesi ayaun ataulo keda igoen luibusakinito luenapakinete kesi kanu aibatisaun.

AINANAKINETA Itosomatai ikapun luipu kanu adumunia icolongo, acuuman nuka emiusik, acuuman nuitodiere ibidion, ka iceboro luisipedoritos oni alelakin atukonokin na naingarakini oni aikunyakin neejai Yawe. Ainanakinetakon, ingarakinete aburokin ikapun luitosomatai ka aigang aswam naka alimonokin kotoma akwap kere. Kanu jo apedor alemun ainanakinetakon kotoma atukonokin kana, ipikakinitai asadukun nuka ainanakineta toma aiboisio nuegelegela kane. Ipedori bobo jo aijainikin ainanakinetakon kolago kopone loka aipejokin donate.pr418.com. Isiyalamikitai noi ainanakineta kere. Isiyalamikinit yes Atukot Naeyait kanuka ainanakinetakus nuigangitos aswam naka alimonokin.

AMUKIAN NAKATIPET Kojen ebe eraasi ainapeta nu nuka engeso bon.

LUEWOLIORITO KA LUADUMUN Ibusakinit oni ayaun iboro luawoliorito neejai Edipatiment Loka Iboro Luewoliorito ka Luadumun. Arai ewoliorit ikonibore, ipedori ijo adolokin edipatiment ngon. Idwe da luewoliorito, ibusakinit ayangaar odipatiment ngon. Konye, kanu alemar aitapasitoi, ibusakinit jo aidar ikonidwe ejok.

ICOLONGO Ilipitai oni apodokinit luce. Kiitunite ebe ibusakinit jo aidar iboisio kanu itunga bon lukokalekon ka ngul lueupuna kajo omotoka arai opikipik ediopet, arai bo ngul lukopaana isisiaete kajo Ebaibuli. Sirikipikak idisibore oicolong loemamei itunganan idaritor jo.

ALEMUN KANU AINGARAKIN Arai ipuda ijo aingarakin iinacan aswam kotoma atukonokin kana, ilipitai jo ainerakin keda luko odipatiment loikamunitos akiro nuka Iinacan Luelemunos Aingarakin.