AISISIAET NA 14
Aitacaun Akiro Nuepolok
Iburanian 8:1
NUIBUSAKINIT IJO ASWAM: Ingarak ikapupokokon apedor atupit nuinera jo ido kitacau epone loejaar arucokina kiding akiro nuepolok keda alosikinet naka akou naka akirot.
EPONE LOISWAMAET:
-
Kojaas keda alosikinet. Kojenu arai erai alosikinet naka einerikon aitijenikin, aitacaikin arai aisinyikokin ikapupokokon kosodi ainakin einerikon kopone loibusakinitor. Ekoto akiro kere nuepolok koraasi nuingarakinete jo aitodolikin alosikinetekon.
-
Kitacau akou naka einerikon. Kinyogonyog alimunun nuikamunitos akou naka einerikon kotoma akiro nuepolok arai bo nueputonoro.
-
Ekoto akirokon nuepolok koraasi nuecaete ido kopataka. Koseu akiro nuepolok nuipedori ijo aitatam ido kotupite apak naitutubitai kotoma oinerikon. Kimar akiro adis nuepolok, kitacau kanginidiope kakesi, kiyapaa ber mot kokidingikec, kiyatak einer nuetupakinete.
