AISISIAET NA 20
Angetakin Jokan
Ekalimonokinan 12:13, 14
NUIBUSAKINIT IJO ASWAM: Kotoma akirokon nuengetakinete, kisinyikok ikapupokokon aitosom nuesisiautu kesi.
EPONE LOISWAMAET:
-
Kitodu arucokina naejai kiding akiro nuinera jo keda akou naka akirotokon. Kobongok alimun akou naka akirot arai aimarun akiro nuepolok kotoma oinerikon.
-
Kisinyikok ikapupokokon. Ingarak kes aanyun nuibusakinit aswam. Iner kopone loitodunit ebe eraas akiro nuinera jo abeit ido eraas nuepolok.
-
Ekoto akirokon nukawasia koraas nuepataka ido kosupaaka. Mam bobo ingetakini einerikon keda akiro nuitetiak. Itosom akiro nuesupaaka kanu aingarakin itunga aseun nuiswama.