Ebalua Loebunit Kama Ejai Atukot Naeyait
‘Ibusakinit yes araut ikesisianakinak.’ (Bur. 5:12) Koomoom ber jo! Yawe Esisianakinan loapolon kakere, ijaikinit oni aswam naka aisisianakin akiro nuikamunitos nges. Erai arereng naepol noi oni aisisianakin abeit naikamunit Yawe kotoma okale, atukot arai kotoma alimonokin. Inyoin bo epedori aingarakin oni aswam ngun?
Idumuni oni abongokinet kotoma akiro nuabu Paul kiwadikak Timoteo ebe: ‘Kodunyak asioman, ka aicor, ka aisisianakin da.’ Abu bobo Paul kiyatak ebe: “Arai kiswama kwangin itajara bon, ka ngul da lukipupete jo.” (1 Tim. 4:13, 16) Akiro nuilimonokini jo eraas nuitajarete. Aso, nges ibusakinitor jo aitojokaar asiomanikon ka aisisianakinikon. Inomunitai eitabo lo kanu aingarakin jo aswam ngun. Ejaasi eitabo lo keda:
Ekokoro loitodiaritai kotoma nginipapula kanu aitodun aicoretait naka Ebaibuli naerucokina keda aisisiaet arai bo aanyunet naka akiro nuepolok nuibusakinit aswam kotoma aisisiaet kangin
Emamei “Ekesisianakinan loeputos” keda Yawe. (Yob 36:22) Ebuni eitabo lo aingarakin ijo aitojokaar asiomanikon ka aisisianakinikon, konye iitunite ebe, Yawe nges alibunet naka akiro nukajokak ido nges iriuni itunga toma abeit. (Yok. 6:44) Kanuka ngun, kilip nges koinak jo emoyo lokalaunan. Kitosomaenenei Ebaibuli duc. Mam inera nuiwomit ijo, konye ingarak itunga aanyun epone loepupia Yawe keda epone loewomooma nges kanuikamunitos nuisisianakini ijo. Kisinyikok ikapupokokon ainyikokin amin Yawe noi.
Icorakinitai jo alimonokin itunga akiro nuepolok kakere. Ijeni ebe ipedori ijo aswam ngun arai imunokin ijo “agogong naekori Edeke.”—1 Pet. 4:11.
Ikalimonokinak nepepe kayes,
Atukot Naeyait Naka Ajenak Luka Yawe
