ATUTUBET 3
Alakunio ko Misiri Kiton Ekabaka Losodit ko Isirael
Abu Musa kingarenik Isiraelin anyoun kobulesene ko Misiri kiton Moru Sinai ne ejaikina Edeke kesi ikekisila. Akaulo kana, abu Musa kijuka ikiliok 12 alosit airot akwap naka Kanaan. Konye 10 kakes, kesi apotu kobongutu kede iyemuto lu arokok. Apotu kijaikis itunga akotokin abongor bobo Misiri. Kanu amamus naka aiyuun, abu Edeke kitisilana Isiraelin opone alo ainakin kesi aijoja adaun ikar 40 kotoma amoding.
Kangetakinet, Yosua ngesi aponi oseunai aingarenikin Isiralelin alomar akwap naka Kanaan. Kanu aingarakin kesi airum akwap, abu Yawe koyau aumonokineta. Abu kitikok Ecilet loka Yorodan alele, aibiror arwatatin nuka Yeriko ka akolong apaikin aibwo adaun apaaran kere. Akaulo na ikar ikanyape, aponi kirumunai akwap kane ajaasi Ikanaanin.
Ageun kanejai Yosua, Isirael nges apotu ikatubok ipugaata adaun ikar 356. Isisiauni oni nuikamumitos luipu kakes, amoriarit Barak, Gideon, Yeputa, Samuson, ka Samuel. Isiomi oni boboda nuikamunitos angor kwape nat Rakab, Debora, Yael, Rusi, Naomi, ka Delila. Atutubet NAIUNIET kere ilelebit ikar 396, luka akiro nuiswamauna.
TOMA ATUTUBET NA
AITETEMET 34
Inyamat Lutetiak
Etepete inyamat lu luitegelikina kotoma akuj ido kolomunitos kama ejai Edeke.
AITETEMET 38
Arotak 12
Inerasi arotak 10 akirot adiope, konye arotak 2 inerasi ace. Lubo angai apotu idwe luko Isirael kocamutu nuenerasi?
AITETEMET 39
Koturo Ebela Loka Aaron Aturo
Epone bo ani apedoria ebela loeonit aturo ka aira araito kotoma akware adiope?
AITETEMET 43
Koraun Yosua Ekengarenon
Eringa Musa egogong, konye kanukinyo ainakinere Yosua araun ekengarenon?
AITETEMET 44
Kibwa Rakab Arotak
Epone bo ani abu Rakab ingarakinia itunga iarei, ido anyoika bo nuakoto nges kiswamakinai nges
AITETEMET 47
Ekokolan Kodwe Luka Isirael
Epedori kereka aronis naka etunganan ediope aidupor ateker kere?
AITETEMET 48
Itunga Luka Gibeon Luapiriaka
Apotu Itunga luka Gibeon kijoseikis mama ejai Yosua tetere iswamauni aitutuket nakainapakin kakes
AITETEMET 49
Kobwou Akolong
Abu Edeke kiswamau icebore yen mam ngesi iswamaunitor ageun ido mam bobo ngesi iswamaunitor ngun.
AITETEMET 50
Angor Aarei Nu Atiting
Barak ngesi abu ingarenik idwe luko Isirael kojie, kanuinyo bobo aponi kiturere Yael aboisit naka Barak?
AITETEMET 51
Rusi Ka Naomi
Abu Rusi kojalak ereke kosodi alosit aiboi keda Naomi tetere ijaanakini Yawe.
AITETEMET 52
Gideon Ka Iketunga 300
Abu Edeke kitosom aitemisioit naitegelikina naka aimat akipi kanu aseuna ajore naka Gideon.
AITETEMET 53
Aiyaposit Naka Yeputa
Aisumunet naka Yeputa mama ejai Yawe mam atirorit ngesi bon konye emoriarit akokuke da.
AITETEMET 54
Etunganan Loagogong
Epone bo ani ajenunia Delila aiyeyea naikamunit agogong naka Samuson?
AITETEMET 55
Kijaanak Isapat Yenididi Edeke
Abu Edeke kitosom Samuel, isapat yenididi kanu alimokin Eli, Esasedoti Lopeti akiro nuitipipilete.
