ATUTUBET 5
Ajaut Aijoreo Babulon Kiton Adukio Arwatatin Nuko Yerusalem
Ne ajaatar kesi aijoreo Babulon, apotu Isiraelin odumutu acodununeta nuipu toma aiyuun kec. Aponi kocakakinai Sadurak, Mesak ka Abednego oupa lo akim lo amwana noi, konye abu Edeke konyau kesi kinga ejarete. Akaulo na Imedin ka Iperesian aipikor Babulon, aponi ocakakinai Daniel aipany naka ingatunyo, konye abu Edeke koyua ngesi kanu aitubut aituke nuka ingatunyo.
Angetakinet do, abu Kuro ekabaka loka Perusia kolacak Isiraelin. Apotu abongosi akwap kec akaulo na ikar 70 ageun ne ayangarere kesi Babulon kwape lu ejoreoritai. Idiopet koboro lusodit kesi ageun aswam edoloto kesi Yerusalem nges aiduk eyekalu loka Yawe. Eja ngun da, apotu luasurup itapaikis aswam kec. Arai akaulo na ikar 22 edautu kesi adolun Yerusalem nges erikakinatar aiduk eyekalu.
Itupakini, isisiai nuikanunitos alosit naka Esera abongor Yerusalem aitalaun eyekalu. Arai na akaulo na ikar 47 edaun aiduk eyekalu. Kosodi akaulo na ikar 13 edau Esera akelosit, abu Nekemia ingarak aiduk bobo arwatatin nuko Yerusalem nu atianara. Imoriarit Atutubet NAIKANYET ikar 152 luka akiro nuiswamauna kiton apak na.
TOMA ATUTUBET NA
AITETEMET 77
Mam Kesi Apotu Isudedeoto
Ti kereka Edeke elaku isapa lu iuni kama ejai akim naesarani noi?
AITETEMET 79
Daniel Kaipany Naka Ingatunyo
Aponi kotubokinai Daniel atwanare, konye apedori kereka cut nges aiku?
AITETEMIT 80
Anyoutu Itunga Luka Edeke Kobabulon
Abu Kuro, Ekabaka loko Perusia, kitodolik adwaretait adiopet nako Baibuli naekamaria ngesi Babuloni ido etodoliki bobo ace da.
AITETEMET 81
Amunokina Agangat Naka Edeke
Apotu idwe luko Isirael kitepegata ikisila luka itunga tetere kes erimarete ikisila luka Edeke. Isirerengi kereka kes Edeke?
AITETEMET 82
Morudekai Ka Esita
Arai Akabaka Basiti naebus noi, konye abu Ekabaka Akasuero kitarau Esita akabaka aiboisitike. Kanukinyo?
AITETEMET 83
Arwatat Naka Yerusalem
Naesiteteuniatar kes arwatatin, ebusakinit eswamak adakit ikilengakec akware keda paaran.