Kijukunai emalaika Gaburiel nejai aberu Mariam jaejok. Kolimok nges ebe idouni ikoku yen ebuni aipuga kwape ekabaka ikar kere. Ikoku, Yesu, idoikitai atuba, ne epejokinatar nges ikecokok. Ekaulo, kingarenik aacerit itunga Lukokide kiton najai ikoku. Isisiauni oni ingai ketodikini kes aacerit ngin, ka epone loayunere Yesu kotoma atwanare.

Etupakini, kidumuni Yesu, erai ikar 12 lukapolou, ineras kede isisianakinak koyekalu. Ketuboros ikar itomonakanyauni kibatisaun Yesu, kosodi ageun alimonokin nuka Ajakanut ka aisisianakin kwape ejukunitor Edeke nges akwap aswam. Kanu aingarakin ngesi kotoma aswam abu Yesu koseu itunga 12 kosodi aitaraun kes ikiyakia.

Iswamat Yesu nukaumokin da nuipu. Abu jitanyam ilukumin luka itunga kede agaria adis ka emugati idis. Kitangaleu luadekas ka aitajarun luatwak. Kawasia, isisiauni oni nuipu nuatakanikinete Yesu aparan nawasia naka aijar ke, ka epone loarere nges. Kolimonok Yesu adaun ikar iuni katutubet, aso ATUTUBET 6 imoriarit apak bala ikar 34.