ATUTUBET 7
Ajarun Naka Yesu Kiton Aenio Naka Paul
Kaparan naiuniet akaulo natwanare ke, kitajaraunai Yesu. Kaparan kangin kotakanikin ngesi ikatupitokoke irwan akanya nuegelegela. Kiyatak Yesu atakananakin kotakanikin kes aparasia 40. Kosodi nepiteete icie kosisiak ke kikekiyakia, kodoka Yesu akuj. Akaulo na apaarasia atomon, kobukok Edeke ikatupitok luka Yesu luedaritos ko Yerusalem emoyo lokalauman.
Ekaulo, lukasurup luka Edeke kibwaikis ikiyakia toma aidaris, konye kolaca kemalaika kes. Kibiribiroto iketepegak ekesisian Sitepan kamor kiton aiar. Konye kisisiauni oni epone loaseunia Yesu ediopet kotoma kotepegak kalu araun ekekejanakinan loitegelikina, kosodi ngesi araun ekiyakia Paul. Kosodi ikar iuni katutubet akaulo naka atwanare natawamare ka Yesu, kijuka Edeke ekiyakia Petero kanu alimonokin lomam erai Eyudayat Korunelio kekekal.
Akaulo naikar bala 13 kogeu Paul ekerot losodit loka alimonokin. Korotoke loiareit, kouparos ka Timoteo. Kisisiauni oni epone lo adumunatar Paul kapaupake apakio nuitelelete kotoma aijanakin Edeke. Kawasia kibwaikis Paul aidaris ko Rome. Kolacakis akaulo naikar iarei, konye kibwaikis bobo nges aidaris ka aijar da. Akiro NUKATUTUBET 7 iswamauna kotoma apak na bala ikar 32.
TOMA ATUTUBET NA
AITETEMET 102
Ejari Yesu
AITETEMET 103
Toma Agola Naigoikitai
Kanukinyo ekurokinia esisiak luka Yesu aijen nges akaulo naka ajarun?
AITETEMET 104
Abongo Yesu Kuju
Eringa Yesu ebongoria toma akuj, abu ngesi ijaik aicorakinet nakawasia.
AITETEMET 105
Kidarete Ko Yerusalem
Kanukinyo ainakinia Yesu ikesisiak emoyo lokalaunan kapaaran naka Pentekosit?
AITETEMET 106
Koosikinai Kotoma Aidaris
Karaida etamitos ingarenok luka idiinin luka Iyudayan ainakin ikiyakia apalaar aswamukec naka alimonokin, konye ejaasi ace nuitemokinit Edeke aswam.
AITETEMET 107
Ebiribiri Sitepan Kamor
Kotoma apak naebiribirere nges, abu Sitepan kilip ailipasit naetegelikina.
AITETEMET 108
Korot Loebei Damasiko
Abu aijar naka Saul kijulakin naemiliauna aica naepol noi kosodi eporoto einer kotoma akuj.
AITETEMET 109
Epejoiki Petero Korunelio
Etiakatiakai kereka Edeke itunga kotupite akwapukec arai ateker naelomunitor itunganan?
AITETEMET 110
Timoteo—ekengarakinan Loitet Loka Paul
Abu Timoteo konyou kore kosodi alosit alimonokin nepepe ka Paul.
AITETEMET 111
Esapat Loabu Kojotoor
Abu Eutuko kojotoor koiner losodit loka Paul, konye mere koiner lokiyareit. Nuapotu kotakanutu kokiding ineresinei ngun iarei, araasi nukaumokin.
AITETEMET 112
Kobwanga Ataker Kapujan
Abu Edeke kolimok Paul akiro nuka amuno kapak naasubitor bala ationo ejauteneke noi.
