EDEKE LOKAPEDOR KERE nges eyait akwap kere. Aijar wok, kwana ka naka oingaren egongakina mamake. Ejatatar nges apedor na airop ka apedor na aitisilanar. Ejatatar nges apedor na aijaikin aijar ka apedor na alemar aijar. Arai ijatatar oni ka aisimario ke, ijaikin oni ejok; arai mam oni ijatatar ka aisimario ke, eroniar kamawok. Erai ibore yen epol noi, orai aima wok na isimara kanejai nges!

Emaete itunga korotin luipu. Arai erai edini kwape erot, ejatatar kereka irotin luka idiinin kere aisimario naka Edeke? Mam, emameotor. Abu Yesu, enabi loka Edeke itodu ebe ejaas irotin iarei. Abala Nges: “Elal erut ipajajai da erot, loebei amudiaro, luelomarete da tomake eraas luipu. Edidiŋ erut, eridid da erot loebei aijar, luedumunete da eraas luikidioko.”​—Matayo 7:13, 14.

Ejaas abilasia aarei bon nuka idiinin: ediopet loebei aijar ka ediopet loebei amudiario. Alosikinet naka itabo kayen nges aingarakin ijo adumun erot lo ebei aijar na mam edaun.