Epaperone egwoi kotoma amin. Ne isisia ijo noi nuikamunitos Yawe, epolor akonimina kanukeng. Kwape epoloo akomimin kanuka Edeke, ekoni eipud da lo aijanakin nges epoloor. Ijaikini na ijo araun ekesisian loka Yesu Kristo. (Matayo 28:19) Imorikikin ijo nepepe katukot naiyalama naka Ijenak luka Yawe, idumuni ijo epaperone ka Edeke ikar kere. Inyo ibusakinit ijo aswam?

Ibusakinit ijo aitoduun akonimin kanuka Edeke kotoma arimarit ikekisila. “Naarai na ŋes amin naka Edeke, ebe kiricit aicorakinetake. Ido mam aicorakinetake elaŋir.”​—1 Yokana 5:3.

Itosom nuisisiai ijo. Abu Yesu inerite awaragan na itodunit nu. Abu etunganan lokacoa odukok eketogo atiida. Etunganan lobang abu odukok loke asinge. Kekuta ikwamin, etogo lo adukokinitai atiida mam abu kibiror, konye lo adukokinitai asinge abu kibiror kaibiror naepol. Abala Yesu ebe ngul, luirarete akesisianakineta kosodete aswam eputos ka etunganan lokacoa lokeduki atiida. Konye ngul luirarete akesisianakineta komam iswamaete eputos ka etunganan lobang lokeduki asinge. Ani etunganan kalu ikoto ijo aputor?​—Matayo 7:24-27.

 Ainakina. Epolou ke ebe ilosi ijo nejaai Yawe kotoma ailip kosodi alimokin nges ebe ikoto ijo aswam akekote ikar kere. Aswam akote naka Edeke itoduni ebe irai ijo esisian loka Yesu Kristo.​—Matayo 11:29.

Aibatisao. “Konyou, kibatisai, kilota akonidiakanareta, kiwonete ekekiror.”​—Aswamisio 22:16.

Koloma cut aijanakin Edeke. “Yeniswamaete kere, kiswamaenenete kaijar kere, bala iswamanakinete Ejakait kwabo mere ituŋa.”​—Ikolosain 3:23.