Kanu aidar epapero, ekoto ijo ainerenena kanges. Ipupi ijo nges, ido nges da epupi ijo. Inera ijo iboro lu ejokak luikamunito nges nejaas ice. Eputos kwangin kanu araut epapero loka Edeke. Koomoom nu inera Ebaibuli kanu:

Kinerenena duc ka Yawe kotoma ailip. “Kicebokinito ailip.”​—Iromayon 12:12.

Kosiom akirot naka Edeke, Ebaibuli. “Ŋinikirot naiwadikatai naiyeŋakit Edeke ejai ajokis aisisianakinia, aikwenyaria, aitetenia.”​—2 Timoteo 3:16.

Isisianak ice nuikamunito Edeke. “Aso kolot kituluosi lukatekerin kere ikesisiak, . . . kisisianakinete kes aricit akiro kere nukecorakinit yes.”​—Matayo 28:19, 20.

 Kikunyak nejaa ipapero luka Edeke. “Koupenenas kalukacoa, icouni ijo da.”​—Awaragasia 13:20.

Kojaunun aurianeta kotoma Okingdom Hall. “Kaomoomas aisinyikokin bonik ka bonik amin ka aswam nuejokuka, . . . kecoras.”​—Iburanian 10:24, 25.

Kingarak aitogogongor aswam naka Ajakanut. “Kiswama ŋinituŋanan kwape inerunitor kotauke, mere kaiturur karaida kaitiŋaikin, naarai emina Edeke yenekori kalakara.”​—2 Ikorinton 9:7.