Nejaatar ijo ka epapero lo isimarit ijo ka ayongit, itami ijo aputor nges. “Ejok [Yawe] ido edolit,” ebala Ebuibuli. (Isabulin 25:8) Kanu araut ipapero luka Edeke, ibusakinit oni ajokuka ido adolitos. Ebala Ebaibuli: “Aso koputorito Edeke kwape idwe luminan. Kolosenenete da kotoma amin.” (Ipeson 5:1, 2) Irotin lu aswam ngun kes luta:

Ingaranakinenei luce. “Keswamanakisi ituŋa kere ajokis.”​—Igalatian 6:10.

Iswama kagogong. “Kinyek ekokolan akoko bobo, konye gwai kokokak aswam ejok kakaninike.”​—Ipeson 4:28.

Kopaik ilai kakuan ka aomisio. “Ketesegaaros kotoma asilianut kere naka akuan ka naka emoyo da, ketodoloto alaunit kotoma ayoŋit Edeke.”​—2 Ikorinton 7:1.

 Oyaite lukokalekon kede amina ka ayongit. “Konye ŋolituŋanan kayesi kominenena akeberu, kwape eminar bon, koyoŋitenenei aberu da okilenike. Yes idwe, korimasi ikauriakakus.”​—Ipeson 5:33–6:1.

Itodu amina nejaa luce. “Kaminanaros, naarai amin erai naka Edeke.”​—1 Yokana 4:7.

Orimarite ikisila luka akwap. “Kononokikinite ŋinituŋanan [apugan] . . . Kotacanakisi kere nuebeito, loitelemi esolo loka ituŋa, esolo loka ituŋa.”​—Iromayon 13:1, 7.