Mam Satan ka akejokin ekotosi ijo aijanakin Edeke. Ekotosi kes aijular ngin itungan kere awai kanejai Edeke korai opedorete. Epone bo ani etamitotor kes aswam nu? Epone ediopet nges edini lokaisab. (2 Ikorinton 11:13-15) Edini lokaisab nges lo mam isisianakini abeit naka Ebaibuli. Edini lokaisab eputos ka isirigin lukaisab​—epusit ibore ilopet, konye omamei ajokis. Ijaikini ijo ationis naepol.

Isabeta luka idiinin mam cut isialamikinete Yawe; Edeke loka abeit. Ne ajaar Yesu toma akwap, ajaai ekodet loedini lo akoto aiwar nges. Aomitos kes ebe eponekec lo aima nges adolit. Kobalas: “Ejai sio papa ediopet, ŋes Edeke.” Konye abu Yesu kocam? Mam! Kolimok kes: “Iraas yesi luka Satan Papakus.” (Yokana 8:41, 44) Itunga luipu lolo da eomitos ebe emaete Edeke, konye ijanakinete Satan ka ekejokin!​—1 Ikorinton 10:20.

 Kwape eraia ekitoi loebosit araito nueroko, edini lokaisab itolomuni itunga lu iswamaete iboro luarokok. Ilelebikina amengeranut akwap kanu iboro lueroko luiswamaete itunga. Ejaai ayelo, ejie, akoko, aridakinio, eyarit, aibu angor. Luipu luiswamaete iboro luarokok ejaas ka edini, konye ekecedini mam ijaikit kes aitup nuejokak. Mam kes eraunos ipapero luka Edeke araai mam kes ejalakinete aswam iboro lueroko.​—Matayo 7:17, 18.

Edini lokaisab isisianakini itunga aima aputosia. Ebala Edeke ebe mam aima aputosia. Itodunit na acoa. Isialamikin kereka ijo arai mam itunganan inerasi kajo ido kinerasi kakoniputo? Eraun kereka itunganan ngin opaperokon lokabeit? Mam nges eraun. Yawe ekoto itunga ainer kanges, mere nejaai aputo naegerer karaida asima, na emamei aijar.​—Anyoun 20:4, 5.

Isisianakini edini lokaisab ebe ejok aiyar luce kotoma apak na ejie. Abala Yesu ebe ipapero luka Edeke eminanara bonik. Mam oni iyari itunga luiminan. (Yokana 13:35) Erono da oni aiyar itunga lueroko. Ne abunoto lukasurup ke Yesu aikamun nges, mam nges abu ocamak ikesisiak ejie kanu ayuun nges.​—Matayo 26:51, 52.

Isisianakini edini lokaisab ebe luarokok iticanio akim namam edunge. Konye, Ebaibuli isisianakini ebe adiakar eyauni atwanare. (Iromayon 6:23) Yawe erai Edeke loka amina. Epedori kereka Edeke loemina aicwe itunga ikar kere? Mam cut! Kotoma Paradais, ejaun edini ediopet bon, ngol lo ecamunit Yawe. (Apukokinio 15:4) Idiinin kere lu elibunitos kaingal naka Satan elemario.