Lokasurup lokapolon loka Edeke nges Satan Ekejodijodon. Erai nges esubasit lomoyo lo abu oraun abenyan loka Yawe. Iyatakinit Satan aitijie Edeke ido eyaununei atiokisio nuipu otunga. Erono Satan. Erai nges ekengalan ka ekaaran.​—Yokana 8:44.

Apotu imalaikan ice otupakisi Satan kotoma abenyanut ke mama ejaai Edeke. Enyarit Ebaibuli kes ajokin. Kwape Satan, eraas ajokin da eraas lukasurup luka itunga. Ekotosi kes amusung itunga. (Matayo 9:32, 33; 12:22) Ebuni Yawe amudiar Satan ka akejokin ikaru kere. Ejaai kes apak naedit bon esalit aiswamanakin itunga atiokisio.​—Apukokinio 12:12.

Ikoto ijo araun epapero loka Edeke ibusakinit ijo ainger aswam nuekoto Satan ijo aswam. Engara Satan ka akejokin Yawe. Kes lukasurup luka Edeke, ido ekotosi kes aitaraun ijo lokasurup loka Edeke. Ibusakinit ijo aseun ingai ikoto ijo aisialamikin​—Satan araibo Yawe. Araai ikoto ijo aijar namam edaun, ibusakinit ijo aseun aswam akote naka Edeke. Ejaasi Satan ka iicia ka irotin luipu luingalaet itunga. Ingalarit nges itunga luipu.​—Apukokinio 12:9.