AITEGEAR EINER
AISISIAET NA 3
Asianut
Aicoretait: “Esiana amin.”—1 Kor. 13:4.
Nuabu Yesu Kiswama
1. Kosesen EBIDIO, arai bo kosiom Yokana 9:1-7. Kosodi abongokin aingiseta nuetupakinete:
-
Inyo ber abu Yesu koge aiswamakin emuduk—aitangaleun ngesi arai bo aimor keda ngesi akiro nukajokak?—Koany Yokana 9:35-38.
-
Kanuinyo abu etunganan ngol aticepak kocamunia apupokin akiro nualimonokini Yesu?
Anyoika bo Nuisisiauni Oni Kaneejai Yesu?
2. Epedori itunganan acamun apupokin oni arai ewanyu ngesi ebe ipodokinit oni nges.
Koputo Yesu
3. Kotam amisiikin ejautene loka itunganan. Inoma ber ijo epone loepupia ngesi.
-
Kingitakin ber jo ebe: ‘Anu bo aticepak nuisiyalongongoete ngesi? Anyoika bo nuapedori eong alimun nuingarakinete ngesi arai bo nueinakinete ngesi apupokin?’ Aswam ngun ingarakini ijo aitodun asianut kopone loibusakinitor ido loejok.
-
Kitodu ebe ipodokinit ijo nuepodokinit itunganan kopone lo ijo apupokinit ngesi. Arai kelimoki ngesi ijo epone loepupio kanuikamunitos idiobore arai bo kitetemiki ngesi ijo atiokisioke, sirikitapaar einer ace.
4. Kiner kitodunite asianut keda ayongit. Arai cut ikoto jo aitodikin itunganan asianut ido kokoto aingarakin nges, itodunos ngun kopone loinerar ijo. Kocoite akirokon ka epone loilimunia ijo, ido kosac einer akiro nuepedorete aitakadikin nges.
5. Kokapakina aingarakin. Komo iwaitin luegelegela luipedoria ijo aingarakin itunganan. Arai kitodik oni itunganan asianut, einakini ngin nges acamun apupokin akiro nukajokak.
