Nuabu Yesu Kiswama

Anyoika bo Nuisisiauni Oni Kaneejai Yesu?

2. Apodokinit itunga einakini oni aswam nuingarakinete kesi, mere alimonokin kes akiro nukajokak bon.

 Koputo Yesu

3. Kopupok ejok. Kocamak itunganan einer epone loepupio ngesi. Mam itolitoli ngesi inera arai bo aisunyakin aimuwar epone loepupio ngesi ka nuepodokinit ngesi keda abuonokinike. Kipupok ijo ngesi jokan, itoduni ijo ebe ipodokinit ijo aomisioke.

4. Koomoom nuikamunitos itunganan yenitodunit eipud loka aisisia. Kotupite einerikon keda ngesi, kingitakin ber ijo ebe:

1.    ‘Kanuinyo ipudar ngesi aiirar abeit?’

2.   ‘Epone ani epedoria aisisia Ebaibuli aitojokaar akeijar kwape kwana ido koingaren da?’

5. Komorata keda nges akiro nuingarakinete nges. Kolingak aitodikin itunganan epone loepedoria aisisia Ebaibuli aingarakin nges adumun abongonokineta nuka aingisetake keda epone loingarakiniata aicoreta nuka Ebaibuli nges.