ATUTUBET 3
Ekoni Bo Ai Aijar Naka Paradais?
Koinak Yawe Adam ka Keba iboro luipu lu ajokuka. Ageun 1:28
Abu Yawe kosub aberu nasodit, Keba, kosodi ayaun ngesi nejai Adam kwape aberu ke.—Ageun 2:21, 22.
Kosub Yawe kes keda aomisio ka awate nu adolitos, nu amamesi kede adiakar.
Eree kec loka Paradais arai emanikor loka Eden—arai aiboisit na ebus noi aitelekar, kojai ecilet lo akipi ka araito naikito ka itiang.
Enerenenasi Yawe kakes, kisisianak kesi. Koraiti orimaritos ngesi, tiejarata ikar kere kotoma Paradais ka kwap.
Abala Edeke ebe mam ainyam ekitoi ediopet kotoma ikito kere. Ageun 2:16, 17
Abu Yawe kitodiik Adam ka Keba ekitoi ediopet loka araito komanikor kosodi aikwenyakin kesi ebe arai kinyamata kokitoi kalo, kitwakete.
Abu emalaika ediopet kipaliik Edeke. Emalaika ngon loaronon erai Satan Ekajodijodan.
Mam Satan akoto Adam ka Keba arimarit Yawe. Abu do Satan itosom emun atemar Keba ebe arai enyam ngesi araito nuka ekitoi kangon, mam ngesi etwani, konye ebuni aputokin keda Edeke. Abeit, arai ngin aisaba.—Ageun 3:1-5.
You May Also Like
ESSENTIAL BIBLE TEACHINGS
Kanukinyo Asubia Edeke Akwap?
Ileleba iboro luibusiak noi toma akwap. Ibwaikitai kes ibecokina alwanisukec keda akolong, ipungokina kesi ejok, ido irimete kesi kosipiidi kalo ibecokina. Kanukinyo ebwaikina Edeke agogong naepol noi kanu asubia akwap?
