AISISIAET NA 03
Iyuunit Kereka Ijo Nuinera Ebaibuli?
Einakinit Ebaibuli aisumuneta ka aicoreta nuipu. Aticepak ikoto ijo ajenun nuisisianakini Ebaibuli, konye bobo kocoikinite. Ibusakinit kereka jo amunokin aisumuneta keda aicoreta nuka eitaabo kangol lokolo sek? Epedorete kereka aicoreta nuka Ebaibuli aingarakin oni lolo, ido ipedori kereka oni aiyuun nuinerit Ebaibuli kanuikamunitos ingaren? Ecamunitos itunga luipu kwangin. Aanyutu arai ipedori jo da acamun ngun.
1. Erai kereka Ebaibuli eitaabo loinera abeit arai bo nukaisab?
Inerit Ebaibuli ebe ejaatar keda “akiro nukabeit.” (Ekalimonokinan 12:10) Inerit Ebaibuli akiro nukolo apotu kotakanutu ido nukabeit nuikamunitos itunga obe. (Kosiom Luka 1:3; 3:1, 2.) Ipirioitin luka akiro nukolo sek keda ikabokak iboro luisisiaere akiro nukolo sek, itogogongitos nuikamunitos apakio, itunga, aiboisio, keda nuinerit Ebaibuli ebe apotu kolo kotakanutu.
2. Kanuinyo ipedoria oni atemar ebe ingarakini Ebaibuli karaida erai eitaabo lokolo sek?
Irwan ipu, inerit Ebaibuli akiro nueringa etakanuna. Kwape aanyunet, inerit akiro nuka saiyanis. Ajaasi aomisio nuegelegela kanuikamunitos akiro ngun kapakio nuewadikaere Ebaibuli. Konye esaiyanis loalolo, itogogongit ebe nuinera Ebaibuli eraasi nuibecokina. Eebo akiro nuinerit Ebaibuli, “icasito ikar kere.”—Isabulin 111:8.
3. Kanuinyo ibusakinitor oni amunokin ebe nuinera Ebaibuli kanuikamunitos ingaren, eraasi abeit?
Ejaatar Ebaibuli keda adwareta a nuineritos “akiro nueringa iswama ameun apengo.” (Isaia 46:10) Adwarit Ebaibuli kaibecokina akiro nukeringa iswamauna ido apotu kiswamaunos akaulo naka ikar luipu. Itetemit bobo kaidules akiro nuiswamasi lolo. Kotoma aisisiaet kana, ibuni oni airereor ace kotoma adwareta nuka Ebaibuli. Eraasi aitodolikinetakec nueumokina noi!
KISISIAU NUIPU
Kisisiau epone loeraar esaiyanis loalolo loecamanara keda Ebaibuli, ido kojenu nuikamunitos adwareta ace nuka Ebaibuli nueumokina.
4. Ecamanara esaiyanis keda Ebaibuli
Kolo sek, aomitos itunga luipu ebe ekajakinitai akwap neejai icebore. Koboliak EBIDIO.
Koany nuinerit eitaabo loka Yob ikar 3,500 kau. Kosiom Yob 26:7, kosodete aimor aingiset nata:
-
Kanuinyo eraatar akiro nuinerit Ebaibuli ebe ‘ikaja akwap kapak tai’ nueumokina?
Arai kitoni nepetai ikar 200 kau, nges konyet ajenunere epone loiswamaununotor akip. Konye koany nuinerit Ebaibuli nepetai ikar 3,500 kau. Kosiom Yob 36:27, 28, kosodete aimor aingiseta nuta:
-
Kanuinyo eraatar nuitetemitai nuikamunitos epone loiswamaununotor akip ibore yeneumokina?
-
Etogogongoto kereka ikokoron luisiom ijo amunokon kanuka Ebaibuli?
5. Adwarit Ebaibuli akiro nuepolok nuabeit atakanun
Kosiom Isaia 44:27–45:2, kosodete aimor aingiset nata:
-
Anu bo akiro nuadwarit Ebaibuli kaidules ikar 200 kau eroko amudiario naka Babulon kedolo?
Itogogongitos akiro nukolo sek ebe abu Kuro, ekabaka loko Perusia keda akejore kikamasi Babulon kokar lo 539 E.L.K. b Apotu kesi kitukudoto akipi nukocilet nuayuwaritos eibuga ngon. Akaulo naka alomar oibuga loajalakinitai irutei engaara, aponi ikamarai eibuga komamei ejie. Ameun ikar 2,500 kau kitoni kwana, eroko Babulon erai ameje. Koany nuadwarit Ebaibuli.
Kosiom Isaia 13:19, 20, kosodete aimor aingiset nata:
-
Epone bo ani itogogongitotor nuapotu kotakanikis Babulon aitodolikinio naka adwaretait kana?
Ameje nako Babulon kakwap nako Iraq
6. Edwarit Ebaibuli iboro luiseseni oni iswamasi lolo
Enyarit Ebaibuli apakiowok kwape “apaarasia nukawasia.” (2 Timoteo 3:1) Koany nuedwarit Ebaibuli kanuikamunitos apaarasia nukawasia:
Kosiom Matayo 24:6, 7, kosodete aimor aingiset nata:
-
Anyoika bo nuepolok nuinerit Ebaibuli ebe etakanunete kapaarasia nukawasia?
Kosiom 2 Timoteo 3:1-5, kosodete aimor aingiseta nuta:
-
Anu bo iponesio luka itunga lukotoma apaarasia nukawasia luitetemit Ebaibuli?
-
Anu bo kotoma oponesio kangun iwanyunit ijo?
EBAKASI ICETUNGA EBE: “Erai Ebaibuli eitaabo loinera akiro nukaisab.”
-
Kaneijai ijo, inyo itogogongit cut ebe ibusakinit oni amunokin Ebaibuli?
NUIDAU AISISIAUN
Akiro nukolo sek, esaiyanis, keda adwareta, kere itodunitos ebe ibusakinit oni amunokin Ebaibuli.
Ainyogoor
-
Erai kereka Ebaibuli eitaabo loinera abeit arai bo aisab?
-
Anu bo iwaitin lueraar esaiyanis loecamanara keda Ebaibuli?
-
Icamunit kereka ijo ebe edwarit Ebaibuli nukoingaren? Kanuinyo icamunitor ijo, arai erai mam, kanuinyo?
ISISIAU BOBO NUTA
Ejaasi kereka akiro nuka esaiyanis nuitetemit Ebaibuli numam ibecokina?
“Ecamanara Kereka Esaiyanis Keda Ebaibuli?” (Aisisiaet naka olago)
Ani bo abeit naikamunit “apaarasia nukawasia”?
Kisisiau epone loapotu adwareta nuka Ebaibuli nuikamunitos Ajakanut Naka Iyonanin kitodolinotor.
Koany epone loapotu adwareta nuka Ebaibuli kijulakiniata aomisio nuka ediopetunganan kanuikamunitos Ebaibuli.
