Aisisiaenen Ebaibuli, erai ibore yenejok noi. Konye mam duc erai ibore yenepatana. Acepakio, ipedori ijo abuonokin arai ibuni ijo ainyikokin aisisia Ebaibuli. Kanuinyo ibusakinitor ijo aswam kagogong ainyikokin aisisia Ebaibuli? Inyo epedori aingarakin ijo ainyikokinit karaida ejaasi ainingosia?

1. Kanuinyo ejokunar aisisiaenen Ebaibuli?

“Erai akirot naka Edeke nakajaran, nakapedor da.” (Iburanian 4:12) Ejok Ebaibuli noi naarai itejenunit aomisio nuka Edeke ka epone loepupio ngesi kanuikamunitos ijo. Mam erai aijen bon idumuni ijo kotoma aisisia Ebaibuli, konye ingarakini bobo ijo adumun acoa ka amun. Nuepolok kakere, ingarakini Ebaibuli ijo araun epapero loka Yawe. Naisisia ijo Ebaibuli, icamakini ijo apedor naka Ebaibuli aitojokaar aijarakon.

2. Kanuinyo eraar ibore yenepol ajenun ajokis naka abeit naejai Obaibuli?

Abeit naejai Obaibuli, esubit bala abar naepol noi. Kanuangun, isinyikokinit Ebaibuli oni ebe “kogwel abeit, sirigwelanari.” (Awaragasia 23:23) Arai iitunit oni ajokis naka abeit naejai Obaibuli, iswamai oni kagogong aisisiaenen Ebaibuli​—karaida itereikina oni kainingosia.​—Kosiom Awaragasia 2:4, 5.

3. Epone bo ani ingarakinia Yawe ijo ainyikokinit aisisiaenen Ebaibuli?

Kwape Lokasubanikon lokapedor kere ka Epaperokon, ekoto Yawe aingarakin ijo aisisia nuikamunitos nges. Epedori ngesi ainakin ijo “akot ka aswam da.” (Kosiom Ipilipin 2:13.) Aso, arai ikoto ijo aisinyikokinio kanu aiyatakin aisisia ka aibwaikin nuisisiau ijo toma aswamisioit, ingarakini ngesi ijo. Arai ipuda bobo jo aisinyikokinio naiyatakina kanu aipikor ainingosia arai bo areio, einakini ngesi jo. Kilipenenei Yawe kingarak ijo ainyikokin aisisiaenen Ebaibuli.​—1 Isesalonikan 5:17.

 KISISIAU NUIPU

4. Kitarau aisisia Ebaibuli ibore yenepol kamakon

Icesawan epedori aswam apolokin oni kosubite do bala emamei oni apak naka aisisia Ebaibuli. Inyo epedori aingarakin ijo? Kosiom Ipilipin 1:10, kosodete aimor aingiseta nuta:

• Anu bo iboro luiwomit ijo ebe eraasi ‘luepolok’ kotoma aijar?

• Epone bo ani ipedoria ijo aitaraun aisisia Ebaibuli ibore yenepol kamakon?

1. Arai kige ijo aibwaikin asinge abaket kosodi konyet aibwaikin amor, mam amor ilosikinos abaket

2. Kige ijo aibwaikin amor, idumuni jo ebe ilosikin asinge da. Kwape kwangin da, arai kisingaren ijo kotoma aijarakon ‘iboro luepolok’ ipedori ijo aitodolikin nuepolok ka adumun apak naka aswam iboro ice da

Aisisiaenen Ebaibuli isimonikini eipudiwok lokomoyo​—nges ajenun Edeke ka aima nges. Kosiom Matayo 5:3, kosodete aimor aingiset nata:

• Epone bo ani imedaunia oni arai inyikokinit oni aisisia Ebaibuli?

 5. Kinyikok karaida itereikina ijo keda areio

6. Komunokin Yawe aingarakin ijo

 NUIDAU AISISIAUN

Karaida mam duc erai ibore yenepatana, aisisiaenen Ebaibuli ingarakini ijo alelakin aijar ikar kere. Kinyikok amunokina Yawe ido eropi ngesi ijo.

Ainyogoor

• Kanuinyo eraar abeit naka Ebaibuli ibore yenepol kaneijai ijo?

• Epone ani ipedoria ijo aisingarenit ‘iboro luepolok’?

• Kanuinyo ibusakinitor ijo ailip Yawe aingarakin ijo ainyikokin aisisiaenen Ebaibuli?