AISISIAET NA 25
Anyoin bo Alosikinet Naka Edeke Kanuwok?
Elimunit Ebaibuli nuikamunitos aijar naka itunga ebe ‘ikidioko akecepaarasia ido ileleba ican.’ (Yob 14:1) Erai kereka ngin aijar naekotor Edeke oni? Arai erai mam, anyoin bo alosikineteke kanuwok? Ebuni kereka alosikineteke aitodolikin? Koany abongonokineta nuitalakaarete nueinakinit Ebaibuli.
1. Aijar naepone ani ekotor Yawe oni?
Ekoto ngesi oni ajaut kaijar naejok kakere. Naasubunia ngesi itunga lusodit, Adam keda Keba, abu kibwaik kes Paradais naibus, nges emanikor loka Eden. Kisirereng Edeke kes: kotema Edeke kes atiar, “Kouriaros kipuaros, kilelebunos akwap, kiruma.” (Ageun 1:28) Akoto Yawe kes aur idwe, aitaraun akwap kere Paradais, keda ayait itiang. Arai alosikineteke itunga kere ajaut keda angaleu naedolit, ka aijar ikar kere.
Karaida mam nu apotu kojaunos kwape akotor Edeke, mam alosikinet naka Edeke ijulakina. a (Isaia 46:10, 11) Eroko Yawe ekoto itunga luerimaarito nges aijar ikar kere kotoma ojautene loedolit.—Kosiom Apukokinio 21:3, 4.
2. Epone ani ipedoria oni alelakin aijar kwape kwana?
Esubit Yawe oni karaasi luipuda aingarenikinio kama ejai ngesi. Ngun kes einakinitos oni kijaa keda eipud loka ajenun ka aima nges. (Kosiom Matayo 4:4; 5:3-6.) Ekoto Yawe oni adukun eidicane keda nges, “alosenen korotinike kere, . . . amina nges,” ka aijaanakin nges ‘ketau kere.’ (Ikisila 10:12; Isabulin 25:14) Naiswamaa oni kwangin, idumuni oni aiyalama nakabeit karaida ejaasi atiokisio. Aijaanakin Yawe, einakini oni aiyalama nakabeit kotoma aijar naarai ijari oni kopone loisiyalamikinit nges.
KISISIAU NUIPU
Kisisiau nuikamunitos amin naepol naabu Yawe kitodu naetemonokinia ngesi akwap kanuwok keda nuisisianakini Ebaibuli kanuikamunitos alosikinet naka aijar.
3. Ekoto Yawe itunga ajaut kaijar naejok
Koboliak EBIDIO, kosodete aimor aingiset naetupakini.
-
Kanuinyo asubia Edeke akwap?
Ebala Ebaibuli ebe abu Yawe “kibwaik akwapisinei [eipud loka aijar ikar kere]” otauon luka itunga. (Ekalimonokinan 3:11) Komorata aingiset nata:
-
Katupitos ekokoro lo, anyoika bo nuisisiauni ijo kanuikamunitos alosikinet naka Yawe kanuwok?
4. Mam alosikinet naka Yawe ijulakina
Kosiom Isabulin 37:11, 29 keda Isaia 55:11, kosodete aimor aingiset nata:
-
Epone ani ijenunia oni ebe alosikinet naka Yawe kanuwok mam ijulakina?
Etogo loemunaara, epedorio aitemokin. Kwape kwangin da, akwap na naamunaasi itunga ebuni Edeke aitemokin kanuka ngul lueminas nges.
5. Aijaanakin Yawe einakini aijarawok ajaut kalosikinet naejok
Aijen alosikinet naka aijar einakini oni aiyalama. Koboliak EBIDIO, kosodete aimor aingiset naetupakini.
-
Epone ani abu Terumi kimedaunia kotoma aisisiaun alosikinet naka aijar?
Kosiom Ekalimonokinan 12:13, kosodete aimor aingiset nata:
-
Epone ani itodunia oni ebe isiyalamikinit oni Yawe kanu iboro luipu luajokak lueswamaki ngesi oni?
EPEDORI ICE AINGIT EBE: “Kanuinyo asubunia Edeke eong kosodi ajalakin eong aanyunit ican?”
-
Epone ani ibongokinia ijo?
NUIDAU AISISIAUN
Ekoto Yawe oni alelakinit aijar ikar kere kojautene loejok kane kotoma akwap. Naijaanakinia oni ngesi ketau kere, idumuni oni aiyalama nakabeit kotoma aijar—karaida kwape kwana.
Ainyogoor
-
Ani bo alosikinet naajaatar Yawe sek kanuka Adam ka Keba?
-
Epone ani ijenunia oni ebe alosikinet naka Yawe kanuka itunga, mam ijulakina?
-
Epone ani idumunia oni aiyalama kotoma aijar?
ISISIAU BOBO NUTA
Kisisiau nuitogogongitos ebe ajai kolo emanikor loka Eden.
“Nuikamunitos Emanikor Loka Eden—Eraasi Abeit Arai bo Aisab?” (Watchtower, Elap Losodit 1, 2011)
Kisisiau ibore yenipedoria oni acamun cut ebe esalakini akwap ejai ikar kere.
Kisisiau nuebala Ebaibuli kanuikamunitos adumun aiyalama kotoma aijarakon.
Kisisiau epone loabu etunganan loawomit ebe ajaatar ngesi keda iboro kere, kodumunia ibore yenamamei kotoma aijarake.
a Kotoma aisisiaet naetupakini ibuni ijo aisisiaun kanuinyo mam itunga ejaatar kaijar naalosikinit Edeke.