AISISIAET NA 28
Kisiyalamik Yawe ka Yesu Kanu Eswamaikis Kesi Ijo
Epone ani ipupio jo arai kijaik epapero ijo ainakinet naejok noi? Eebo iyalamikin ijo ido ikotokin ijo aitodikin epaperokon ebe iyalama ijo kanuka ainakinet kangin. Apotu Yawe keda Yesu kijaikisi oni ainakinet naepol ajokis noi. Ani bo ainakinet ngin ido epone ani itodunia oni aisiyalamikinet kanu ainakinet kangin?
1. Ani bo opone ediope loipedoria oni aitodun aisiyalamikinet kanu abu Yawe ka Kristo kiswamakisi oni?
Isumunit Ebaibuli ebe “nginitunganan yeniyuuni [Yesu]” edumuni aijar naka ikar kere. (Yokana 3:16) Epone ani ipedoria oni aswam ngun? Aiyuun Yesu imoriarit nuipu noi nuibusakinit oni aswam. Ekoto bobo oni aitodun aiyuuniwok kotoma aseununeta nuitolomununei oni ka aswamisiowok da. (Yakob 2:17) Egogongoor eidicanewok ka Yesu nepepe ka Yawe Papake kitodu oni aiyuun kotoma aswamisio keda koineriwok.—Kosiom Yokana 14:21.
2. Ani bo airiamun naitegelikina naingarakini oni aitodun ebe isiyalamikinit oni Yawe ka Yesu kanu apotu kesi kiswamakisi oni?
Atibong ngin eroko ngesi ketwana, abu Yesu kolimok ikatupitokoke ecepone loitodunet aisiyalamikinet kanuka atwanareke. Abu ngesi kolimok kesi airiamun nepepe kanuka epucit loitegelikina loenyarit Ebaibuli ‘Inyamat Luka Ejakait Lukabong’ ido enyaritai bobo kwape, Aiitun Atwanare Naka Yesu. (1 Ikorinton 11:20) Abu Yesu kitegea airiamun na tetere ikiyakia ka Ikristayon kere lukabeit iitununete ebe abu ngesi kopal akeijar kanuwok. Kanuikamunitos airiamun na, abu Yesu kicorak ebe: “Kiswamaenenete kwangin akiitunitor eong.” (Luka 22:19) Naijaunor ijo toma Aiitun Atwanare Naka Yesu, itoduni ijo ebe isiyalamikinit ijo Yawe ka Yesu kanu eswamakisi kesi oni.
KISISIAU NUIPU
Kojenu bobo iwaitin ice luipedoria oni aitodun aisiyalamikinet kanuka amin naepol noi naapotu Yawe ka Yesu kitodutu. Kisisiau kanuinyo eraar Aiitun Atwanare Naka Yesu ibore yenepol.
3. Nuipedori oni aswam kanu aitodun aisiyalamikinet
Koomoom ber ijo bala idoit ijo angolol kosodi itunganan ayuun ijo. Ibuni kereka jo aimurwokin itunganan ngin? Mam kereka ijo iswamai nuipedori kere aitodun ebe isiyalamikinit ijo ngesi kanuabu kiswamak ijo?
Kanuka asianut naka Yawe, ejai oni arereng naka adumun aijar naka ikar kere. Kosiom 1 Yokana 4:8-10, kosodete aimor aingiseta nuta:
-
Kanuinyo eraar atwanare naka Yesu ainakinet naitegelikina?
-
Epone ani ipupio ijo kanuikamunitos nuapotu Yawe keda Yesu kiswamakisi ijo?
Epone ani ipedoria oni aitodun aisiyalamikinet kanu apotu Yawe ka Yesu kiswamakisi oni? Kosiom 2 Ikorinton 5:15 keda 1 Yokana 4:11; 5:3. Akaulo aisiom kanginidiopet kokokoron kalu, komorata aingiset nata:
-
Katupitos ekokoro ngon, inyo ipedori oni aswam kanu aitodun aisiyalamikinet kanuka alucet?
4. Koputoo Yesu
Ecepone loipedoria oni aitodun aisiyalamikinet nges aputoor Yesu. Kosiom 1 Petero 2:21, kosodete aimor aingiset nata:
-
Anu bo iwaitin luipedoria ijo atupakin jokan ikukut luka Yesu?
5. Kojaun toma airiamun naka Aiitun Atwanare Naka Yesu
Kanu ajenun nuiswamasi kotoma airiamun naka Aiitun Atwanare Naka Yesu, kosiom Luka 22:14, 19, 20. Kosodete aimor aingiseta nuta:
-
Anyoika bo nueswamasi kapak naka Inyamat Luka Ejakait Lukabong?
-
Inyo ebwoikinitos emugaati keda ebino?—Koany ikokoron 19 keda 20.
Akoto Yesu esisiakake aiitunun atwanareke irwan atipet kangolikaru kiriamara keda apak naatwania ngesi. Kanuangun, iriamununos Ajenak Luka Yawe kangolikaru kanu aiitun atwanare naka Yesu kopone kaloicorakinitor ngesi. Kanu ajenun nuikamunitos airiamun na naepol, koboliak EBIDIO. Kosodete aimor aingiset naetupakini.
-
Anyoika bo nuiswamasi kotoma Aiitun Atwanare Naka Yesu?
Ejaasi nuebwoikinitos emugaati ka ebino. Ebwoikinit emugaati akuan naka Yesu naedolit naabu ngesi kopal kanuwok. Ebwoikinit ebino akeokot
EBAKASI ICETUNGA EBE: “Ibore yenepol ngesi ijo aijaun Yesu Kristo kwape ekonitajaran.”
-
Epone ani ipedoria ijo aitwasam Yokana 3:16 keda Yakob 2:17 kanu aitodunia ebe ipu nuibusakinit ijo aswam?
NUIDAU AISISIAUN
Isiyalamikini oni Yesu kanuabu ngesi kiswamak oni kopone lo oni aitodun aiyuun kotoma oineriwok ka aswamisiowok keda ajaunun toma airiamun naka Aiitun Atwanare Naka Yesu.
Ainyogoor
-
Inyoin bo apolou naka aiyuun Yesu?
-
Epone ani ikotor ijo aitodun aisiyalamikinet kanu apotu Yawe ka Yesu kiswamakisi ijo?
-
Kanuinyo eraar ibore yenepol oni ajaunun airiamun naka Aiitun Atwanare Naka Yesu?
ISISIAU BOBO NUTA
Anyoika bo nuisinyikokinit atwanare naka Yesu oni aswam?
Kisisiau nuipu nuikamunitos aiyuun ka epone loipedoria ijo aitodun aiyuun.
“Kitodu Ebe Iyuunit Ijo Aisumuneta Nuka Yawe” (Watchtower, Elap Loitomonet 2016)
Kotoma akou naka akirot “Alau Kwana Eong, Ajari Eong, ido Esilosikina Eong,” kosiom nuikamunitos epone loabu aijar naka adiopeberu kojokunaaror akaulo ngesi amisiikin ajokis naka atwanare naka Yesu.
“Ijulakini Ebaibuli Itunga” (Watchtower, Elap Loikanyetauni 1, 2011)
Kisisiau kanuinyo eraar ebe itunga idis bon emasete ebino ka ainyam emugaati kotoma Aiitun Atwanare Naka Yesu.