AISISIAET NA 53
Koseu Aitelelio Naisiyalamikinit Yawe
Erai Yawe “Edeke loiyalama.” (1 Timoteo 1:11, NWT) Ekoto ngesi oni araut luiyalama ka luilelakinit aijarawok. Iyalama Yawe nairidunia oni apak kotoma aswamisineiwok kasodete aiyengun. Kotoma aisisiaet kana, ibuni oni aanyun epone loejok loitwasamaet apakiwok naka aiyengun keda epone loeinakini oni aiyalama ido loisiyalamikinit Yawe da.
1. Anyoika bo nuibusakinit oni aiitunit naiseunia oni aitelelio?
Inyo bo eminakinit ijo aswam kotoma apakikon naka ailajaara? Icetunga itwasamaete apakikec nakailajaara koreriakec. Eminasi kesi aisiom itaabon, aipup emiusik, asesen ibidion, arai bo aitwasam elago. Ice elelakinito ajaut kipapero, adokanar omoru, aidu, arai bo abolia akeso. Ibusakinit oni aanyun ebe aseunetawok kere nuka aitelelio, eraasi “nuitojokit Ejakait.” (Ipeson 5:10) Erai ibore yenepol noi oni amisiikin akiro ngun naarai aitelelio naepol nakwana erai naitodiarit iboro lumam Yawe itojokit kwape nat amumu, adoteu, arai bo ecudet. (Kosiom Isabulin 11:5.) Inyo epedori aingarakin oni aitolomunun aseuneta nuejok nuka aitelelio?
Arai iseu oni ipapero lueminasi Yawe, epedorete kesi aisinyikokin oni ka aingarakin oni aitolomunun aseuneta nuejok nuka aitelelio. Kwape isisiator oni kotoma aisisiaet naatubor, ebala Ebaibuli ebe “koupenenas kalukacoa, icouni ijo da.” Konye arai iupanena oni kangul lumam eminasi aicoreta nuka Yawe, ‘eswalari’ aupakec oni.—Awaragasia 13:20.
2. Kanuinyo eraatar nuepolok oni acoit adaikin apakiwok toma aitelelio?
Karaida iseunit oni aitelelio namam emunaari eidicanewok keda Yawe, ibusakinit oni acoikinit apak naiyangaikin oni kotomake. Arai mam oni icoit, epedori apak naka aswam iboro luepolok amamikin oni. Isinyikokinit Ebaibuli oni ebe “koyuununete apak.”—Kosiom Ipeson 5:15, 16.
KISISIAU NUIPU
Isisiau epone loitolomununet aseuneta nuejok nuikamanara keda aitelelio.
3. Kosac aitelelio naronon
Kanuinyo ibusakinitor oni aseun aiteleliowok jokan? Koboliak EBIDIO, kosodete aimor aingiseta nuetupakinete.
-
Epone ani eputotor aboliasio nuaboliao kolo koRome keda aitelelio ace nakwana?
-
Kotoma obidio, anyoika bo nuabu Danny kisisiau kanuikamunitos aitelelio?
Kosiom Iromayon 12:9, kosodete aimor aingiset nata:
-
Epone ani ingarakinia jo ekokoro lo kotoma aitolomun aseuneta nuka aitelelio?
Anu iceboro luelait Yawe? Kosiom Awaragasia 6:16, 17 keda Igalatian 5:19-21. Akaulo aisiom kangolikokoro, komorata aingiset nata:
-
Anu bo iboro luelimunitai kokokoron kalu luidilasi kotoma aitelelio lolo?
Aingiseta nuepedorete aingarakin ijo aitolomun jokan aseuneta nuka aitelelio
Kingitakin ber ijo ebe:
-
Inyo imoriaritos ngun? Imoriarit kereka aitelelio ngin idisibore yenelait Yawe?
-
Iwori ejaunotor? Icanicani kereka akapak naka aswam iboro luepolok?
-
Ingai ejaun ngina? Einakinit kereka aitelelio ngin eong aupa keda itunga lumam eminasi Yawe?
Erai ayuwara naepol noi oni acoit iboro luepedorete ayaun aronis. Ngun ngesi ibusakinitor oni acoit aitelelio naticepak iwomit oni ebe mam ejok kanuwok
4. Kitwasam apakikon jokan
Koboliak EBIDIO, kosodete aimor aingiset naetupakini.
-
Karaida mam onac loitodiaritai kobidio auta aite iboro luelait Yawe, inyoin bo abu oraun aketionis?
Kosiom Ipilipin 1:10, kosodete aimor aingiset nata:
-
Epone ani epedoria ekokoro lo aingarakin oni aitutub apak naitwasamai oni kotoma aitelelio?
5. Koseu aitelelio naejok
Karaida mam aitelelio ace erai naisiyalamikinit Yawe, konye ejai ace naisiyalamikinit nges. Kosiom Ekalimonokinan 8:15 keda Ipilipin 4:8, kosodete aimor aingiset nata:
-
Ani bo aitelelio naejok naeminakinit ijo?
Ipedori ijo alelakin aboliasio ka aitelelio naejok
EBAKASI ICETUNGA EBE: “Emamei idisibore yenerono keda aitelelio naimoriarit amumu, adoteu, ka ecudet, bon ebe mam eong eswamai iboro ngul.”
-
Epone ani ibongokinia ijo?
NUIDAU AISISIAUN
Ekot Yawe oni aseun ka alelakinit aitelelio naejok.
Ainyogoor
-
Ani bo aitelelio naibusakinit Ikristayon acoit?
-
Kanuinyo ibusakinitor oni apodokinit apak naetia ai idauni oni kotoma aitelelio?
-
Kanuinyo ikotor ijo aseun aitelelio naisiyalamikinit Yawe?
ISISIAU BOBO NUTA
Kisisiau ingai bo ejaatar keda epelu loka aseikin oni aitelelio.
“Imikitos Kereka Ajenak Luka Yawe Icebidion, Itaabon, ka Ikososinei Ice?” (Aisisiaet naka olago)
Koany epone loipedoria jo aitolomun aseuneta nuejok nuikamunitos aitelelio ka aboliasio.
“Erai Kereka Aiteleliokon Naejok?” (Watchtower, Elap Loitomonet 15, 2011)
Kotoma akou naka akirot “Abu Bobo Eong Alema Aomisio Nuka Atiakatiaka Da,” koany kanuinyo abu ediopetunganan kijulakinia akeseununeta nuka aitelelio.
“Ijulakini Ebaibuli Itunga” (Watchtower, Elap Loiyareit 1, 2010)
Koany epone loabu toto kitolomunia aseunet naejok naikamunit aitelelio naimoriarit akirosinei nuka ajokin.
