Yesu nges Akou naka atukot naka Ikristayon. (Ipeson 5:23) Kadoketaitike kotoma akuj, ingarenikinit Yesu atupitokoke kitwasamai ‘ebulesit lomunot ido loepiriana.’ (Kosiom Matayo 24:45.) Naadakakinia Yesu “ebulesit” epelu, abu koinak nges apedorosio nuka aitutub nuiswama konye kosalakinite erai ebulesit loka Kristo ido kijaanakini iinacan luka Kristo. Ingai bo ebulesit ngol? Epone ani ingarakinitor ebulesit ngol oni?

1. Ingai bo ‘ebulesit lomunot ido loepiriana’?

Itwasamaenenei Yawe duc ediopetunganan arai bo egurupu loka itunga idis aingarenikinia luce. (Malaki 2:7; Iburanian 1:1) Akaulo na Yesu atwanare, apotu ikiyakia keda imakio koYerusalem kingarenikisi atukot. (Aswamisio 15:2) Kotupitete epone ngol loka aingarenikin, lolo da, egurupu loka imakio idis loenyaritai Atukot Naeyait naka Ajenak Luka Yawe, einanakini iinacan inyamat lukomoyo ido ingarenikinit aswam naka alimonokin. Egurupu lo enyaritai ‘ebulesit lomunot ido loepiriana’ loadakaki Yesu ayait. (Matayo 24:45) Iinacan kere kotoma Atukot Naeyait, eraasi Ikristayon luinyonyoikinitai ido elosete toma akuj kanu aimorikikin ka Kristo aipuga kotoma Ajakanut naka akuj.

2. Anu inyamat lukomoyo lueinanakini ebulesit lomunot oni?

Abala Yesu ebe epelu loka ebulesit lomunot nges ‘akoranakin [iinacanakec] ikecenyamat kotoma apak naedolit.’ (Matayo 24:45) Kwape ingarakiniata inyamat oni asalakinit igogong ido kangaleete, inyamat lukomoyo da​—kes aicoreta nukotoma Akirot Naka Edeke​—einakinitos oni agogong naka ainyikokinit aijaanakin Yawe kamunoonut ka aitodolikin aswam naeinakinit Yesu oni. (1 Timoteo 4:6) Idumununei oni inyamat lukomoyo kotoma airiamununeta, atukonokin nakapolon keda naka aanyanaret, keda bobo kotoma obidion, ka itaabon luingarakinete oni amisiikin Ebaibuli ido luitogogongete eidicanewok keda Edeke.

 KISISIAU NUIPU

3. Ibusakinit itunga luka Yawe koraasi luetupitos ainapeta

Kingarenikinite Yesu Kristo, einakinit Atukot Naeyait Ajenak Luka Yawe ainapeta nutupitono kotoma aswamukec. Ikristayon lukabeit lukolo da, ajaatar kainapeta kwape kangun. Koboliak EBIDIO.

Kosiom 1 Ikorinton 14:33, 40, kosodete aimor aingiset nata:

• Epone ani itodunitotor ikokoron lu ebe ekot Yawe Ajenakake araut luetupitos ainapeta?

4. Ebulesit lomunot ngesi itolomununei ainapeta nuka aswamuwok naka alimonokin

Arai alimonokin aswam naepol kakere naeswamaete Ikristayon lukolo sek. Kosiom Aswamisio 8:14, 25, kosodete aimor aingiseta nuta:

• Ingai bo engarenikit aswam naka alimonokin naka Ikristayon lukolo sek?

• Anyoika bo nuapotu Petero keda Yokana kiswamata akaulo naadumun aicorakineta kama ejaasi ikiyakia luce?

Alimonokin nges aswam naepol kakere naitemokinit Atukot Naeyait. Koboliak EBIDIO.

 Etopoloorit Yesu aswam naka alimonokin. Kosiom Marako 13:10, kosodete aimor aingiseta nuta:

• Kanuinyo eraar aswam naka alimonokin ibore yenepol kakere kaneejai Atukot Naeyait?

• Kanuinyo ipudar oni ‘ebulesit lomunot ido loepiriana’ ainanakin ainapeta nuka alimonokin anatar akwap kere?

5. Einanakini ebulesit lomunot aicoreta

Einanakini ebulesit lomunot Ikristayon kakwap kere aicoreta. Epone ani itutubioto kesi aicoreta ngun? Kisisiau epone loetolomununa atukot naeyait naka Ikristayon lukolo aicoreta. Kosiom Aswamisio 15:1, 2, kosodete aimor aingiseta nuta:

• Anu bo akiro nuapotu koyautu amamus acamanar koKristayon lukolo sek?

• Ai bo apotu Paul, Baranaba, ka iinacan ice koloto amoot aicoreta?

Kosiom Aswamisio 15:12-18, 23-29, kosodete aimor aingiset nata:

• Eringa kesi itutubo nuiswama, anyoika nuabu atukot naeyait kiswama kanuikamunitos ationis naajauna?​—Koany ikokokoron 12, 15, keda 28.

Kosiom Aswamisio 15:30, 31 keda 16:4, 5, kosodete aimor aingiseta nuta:

• Epone ani apotu Ikristayon lukolo sek koyaitotor aicoreta nuainakinit atukot naeyait?

• Epone ani abu Yawe kisirerengio kesi kanu arimaaritekec?

Kosiom 2 Timoteo 3:16 keda Yakob 1:5, kosodete aimor aingiset nata:

• Ai bo edumanakini Atukot Naeyait aicoreta nueinanakini oni lolo?

 NUIDAU AISISIAUN

Atukot Naeyait nges ‘ebulesit lomunot ido loepiriana’ loedakakinit Kristo epelu loka ayait. Einanakini ngesi Ikristayon aicoreta ka inyamat lukomoyo anatar akwap kere.

Ainyogoor

• Ingai bo adakakini ‘ebulesit lomunot ido loepiriana’ ayait?

• Epone ani eutar Atukot Naeyait aingarakin oni?

• Icamunit kereka ijo ebe Atukot Naeyait nges ‘ebulesit lomunot ido loepiriana’?