Icorakinit Ebaibuli oni ayait Ikristayon luemojongitos kwape nukatoto ka lukapapa ka atumunak da kwape iinacan ka ainacan. (Kosiom 1 Timoteo 5:1, 2.) Kanoinoi iinacan lukiliok, ibusakinit ainakinit ainacan ayongit kangosibib.

Mam cut ibusakinit onac eyala koipone loka eisupane keda inac namam erai akeberu, arai bo nat aswam idiobore yeneinakini inac aipup erono. (Yob 31:1) Mam ibusakinit onac lomam edukokina ainakinit inac namam edukokina aomit ebe ejaatar ngesi keda alosikinet naka aisup inac konye kabeit komam erai kwangin.

Ibusakinit imakio aitodun asianut kapodokinit arai ingit inac kes aingiset arai bo kelimu adiokirot naekot aitemokinio. Ibusakinit imakio apodokinit kanoinoi ainacan nuemameete ikiliokokec lu ti eyuwasi kes.​—Rus 2:8, 9.

KOSESENATA EBIDIO ITODU AMIN NAMAM ENANGI KOTOMA ATUKOT​—NEEJAAS APUSER KEDA IKOKIOK, KOSODETE ABONGONOKIN AINGISETA NUTA:

• Epone bo ani abu atukot kitodikinia inac Myint amin naitegelikina noi?

• Epone bo ani abu amin naetodunit atukot koraunia ajenanut najokan kocaalo kangon?

• Epone bo ani abu amin naetodunit atukot otiroria adwe nuka inac Myint?

Epone bo ani ipedoria ijo aitodikin ainacan nuka atukotokon amin?