Kotoma atukonawok, ejaas iinacan ka aanacan luejaanakisi Yawe adaun ikaru luipu noi. Ipedori oni asisiaun kaneejaas kesi kopone loapotu kesi komunokinotor Yawe. Ipedori oni aingitun kes akiro nukolo nuikamunitos atukot naka Yawe keda epone loabu Yawe ingarakinia kes atitingikin atiokisio. Ipedori oni anyaraun iinacan lu toma Aimawok Kwape Ekale kasodete alimokin kes aimor keda oni adiokiro nuikamunitos kes.

Arai ijaanakinit jo Yawe adaun ikar luipu noi, olimok iinacan epone loabu Yawe ingarakinia jo atitingikin atiokisio kotoma aijaanakin. Apotu Yakob ka Yosep kolimokisi idwekec nuabu Yawe iswamak kes. (Age 48:21, 22; 50:24, 25) Ekaulo, abu Yawe icorak akou naka ekale aisisianakin idweke nuikamunitos aswamisinei nukolo nuka Yawe. (Ikis 4:9, 10; Sab 78:4-7) Kapaarasiawok da, epedorete auriak kaluce da kotoma atukot alimonokin atur nadidi nuikamunitos iboro luajokak luaanyutu kesi ebe etodoliki Yawe kitosomai atukotoke.

KOSESENATA EBIDIO ASALAKINIT IMORIKIKINA KARAIDA IMIKIT APUGAN ONI AIJAANAKIN YAWE, KOSODETE ABONGONOKIN AINGISETA NU:

• Epone bo ani abu eburanc loko Austria ingarakinia iinacan luka akwapin ace nuemikitere aswamuwok?

• Epone bo ani apotu iinacan kotoma akwapin angun inyikokiniata aidar aiyuunikec ogogong?

• Kanukinyo apotu iinacan ice koRomania kotiakarotor kaneejai atukot naka Yawe, ido epone bo ani abonguniata kesi atukot?

• Epone bo ani itogogongiata akiro nu aiyuunikon?