Kanoinoi, imoriarit alecorio aicorakin, aisisianakin. Imoriarit bobo aitetenio keda aile. (Rom 12:1; Bur 12:10, 11) Epedori alecorio araut naepipil konye ekaulo eyauni adolit keda arerengusio. (Awa 10:7) Inyoin bo ibusakinit ngul luelecorete ka ngul da luelecorio aiitunit?

Luelecorete. Kwape ka Yawe, ibusakinit imakio, auriak, ka luce da aswam nuepedorete kere alecor kotoma asianut keda amin. (Yer 46:28) Karaida erai alecorio naelangir, ibusakinit aijaikin kotupitete ejautene ido kotoma amin.​—Tit 1:13.

Luelecorio. Mam ibusakinit oni ainger alecorio naediopone kere, konye ibusakinit oni atamakin katipet atupakin alecorio naijaikinitai oni. (Awa 3:11, 12) Oni kere kwape ikadiakanarak, ipuda alecorio naebuni koponesio luegelegela. Ipedori oni adumun alecorio kotoma akiro nuisiomi oni Obaibuli arai nuipupuni oni kotoma airiamununeta nuka atukot. Acepakio ipudakinos ice alecorio kaneejai ekomiiti loka akiro nuka etube. Acamun alecorio, eyangaari oni toma aijar.​—Awa 10:17.

KOSESENATA EBIDIO ‘ELECORI YAWE YENEMIN,’ KOSODETE ABONGONOKIN AINGISETA NUTA:

• Epone bo ani ajaar aijar naka Canon ido epone bo ani abu ijulakinor?

• Ani bo alecorio naitodunit amin, naabu ngesi kodum kaneejai Yawe?

• Anyoika bo nuisisiauni oni kaneejaasi nuapotu kotakanikis nges?