Esubit amin bala emina loimakakini ekale nepepe. Emameun amin, etionikini ekale araut loimorikikina ka loiswamai nepepe. Epone bo ani epedoriata ikiliok, angor, auriak ka idwe aitodun amin kotoma okale?

Ekiliokit loemin, epodokinit ipudesia, aomisio, ka epone loepupia akeberu. (Pes 5:28, 29) Edumanakini ngesi lukokaleke iboro luipudasi kotoma akuan ka kotoma omoyo, aimoriarit Aima Kwape Ekale. (1Tim 5:8) Aberu naemin, enonokikinit okilenike ido “koyongitenenei” nges. (Pes 5:22, 33; 1Pet 3:1-6) Ibusakinit luedukokina araut luekapakina aitim. (Pes 4:32) Auriak lueminasi, epodokinitos idwekec kere ido isisianakinete kes amin Yawe. (Ikis 6:6, 7; Pes 6:4) Anyoika bo ainingosia nuetereikina keda idwe kosomero? Epone bo ani epedoritotor kesi atitingikin ainingosia ngun? Naejaar amin okale, itunga kere kotoma okale epupete ayuwaara.

KOSESENATA EBIDIO KITODU AMIN NAMAM ENANGI KOTOMA OKALEKON, KOSODETE ABONGONOKIN AINGISETA NUTA:

• Epone bo ani itania ido ericitor ekiliokit loemina, akeberu?

• Epone bo ani itodikinitor aberu naemina, okilenike ayongit?

• Epone bo ani epedoriata auriak lueminas, adunyakinit aisisianakin idwekec Akirot Naka Edeke?