Naeutar esange loka akwapin kanu adolun, ijeni oni ebe eigur loka akwap, aswamisio nuka luodwaratau keda ijiisinei, epote aiyatakin. (Apu 6:4) Epone bo ani ipedoria oni akapakin kanuka ainingosia nukoingaren?

• Kitemonokin kotoma omoyo: Kisisiau aicoreta keda akiro nuka Ebaibuli nuitogogongete amunokinakon neejai Yawe keda atukotoke ido nuingarakinete jo asalakinit mam irai yenikakwapin. (Awa 12:5; jr-E 125-126 ¶23-24) Nape na nges apak naka aitogogong epaperone keda iinacan kotoma atukot.​—1Pet 4:7, 8

• Kitemok iboro luipudakin ijo: Kitemok iboro luingarakinete ijo kanu apak naelomunia ejautene lomam ecamakini jo anyoun ore. Bobo da, kitolom ainapeta nuipedori ijo atupakin arai elomu ejautene loekotokin ijo aiku. Kirereo iboro luejaasi toma oikapokon loka akapakina kanuka engeso, ido ipikak iboro luka ayuwara ido ingadakinite idiokapun. Kojen epone lodolokinet imakio, ido koany ebe ejenete kesi epone lodolokinet jo.​—Isa 32:2; g17.5-E 3-7

Kapakio nuka eigur, kinyikok aswam nulem iswamaenenei ijo kotoma aima Yawe kwape nat asiomenen Ebaibuli, alimonokin, ailip keda ajaunun airiamununeta. (Pil 1:10) Mam ilosi nenice dimikito ibusakinit ijo anyoun kore. (Mat 10:16) Komorata keda luce inyamatakon kiceboro da.​—Rom 12:13

KOSESENATA EBIDIO IKAPAKINA KEREKA JO KANUKA ENGESO? KOSODETE ABONGOKINOKIN AINGISETA NUTA:

• Epone bo ani epedoria Yawe aingarakin oni kapakio nuka engeso?

• Anyoika bo nuipedori oni aswam kanu akapakin?

• Epone bo ani ipedoria oni aingarakin luce luedoikinit engeso?