Kanu aisiyalamikin Edeke, ibusakinit esisiak adukun aiyuun naegogong. (Bur 11:6) Ipedori oni adolokin itauonokec kopone loaitosom eitabo Olelak Aijar Ikar Kere! Ejaasi eitabo lo keda ikokoron luikeinitos akiro nuepolok, itacaunit akiro ejok, aingiseta nuibecokina, ibidion luisinyikokinete, keda aputosia nuibusiak. Naingarakinia oni esisiak adukun iponesio luka Ekristayone ka eidicane loajokan keda Edeke, epone ngon idukio oni keda iboro lumam akim enyami.—1Kor 3:12-15.

Icetunga eomitos ebe mam kesi epedorete araun ipapero luka Edeke naarai mam kesi ewanyunitotor Edeke. Aso ibusakinit oni aingarakin kesi adukun aiyuun kaminun iponesio luka Yawe.

KOSESENATA EBIDIO KODUK AIYUUN KANEEJAI YAWE KITOSOMAI “OLELAK AIJAR IKAR KERE!” KOSODETE ABONGONOKIN AINGISETA NUTA:

• Epone bo ani ijenunia oni ebe itemonokinit inac ejok kanuka aisisia?

• Epone bo ani abu ngesi itosoma ejok aingiseta ace kanu aingarakin esisian amisiikin Isaia 41:10, 13?

• Epone bo ani abu ebidio keda ikokoron luka Ebaibuli kotiroriata esisian?

Itunga luipu mam emisiikinitos apolou naka alucet, ido mam kesi esesenete alucet kwape ainakinet naka Edeke kamakec. (Gal 2:20) Kanuangun, ibusakinit oni aingarakin kesi adukun aiyuun toma alucet naka Yesu.

KOSESENATA EBIDIO KODUK AIYUUN KANEEJAI YAWE KITOSOMAI “OLELAK AIJAR IKAR KERE!” KOSODETE ABONGONOKIN AINGISETA NUTA:

• Epone bo ani ijenia oni ebe etemonokinit onac ejok kanuka aisisia?

• Epone bo ani abu ngesi itetemia atiakunet “Kisisiau Bobo Nuta” kanu aingarakin esisian?

• Kanuinyo ejokunar ailip kanuka esisian?