Kwape itunga lumam idolit, ejai oni auta naepol noi naka aitikokinit ipudesiawok. Arai iswama oni nuikoto kere, ibuni oni atwaniar amin naka Yawe. Kwape aanyunet, ecamakinitos icetunga eipudikec loka inyamat, inapen, keda neperot aingarenit adepar amin Edeke. Icetunga isimonikinete eipudikec loka ayelo koponesio luebilito aicoreta nuka Edeke. (Rom 1:26, 27) Ido ice ecamakinitos luce aijodoor kesi aswam nueroko naarai ipudasi kesi aminunio arai bo acamunio.​—Any 23:2.

Epone bo ani ipedoria oni aitikokin ipudesiawok? Ibusakinit oni akokakinit aswam nuisiyalamikinitos Yawe. (Mat 4:4) Bobo da, ibusakinit oni ailip Yawe kingarak oni apedosi aitikokin ipudesiawok. Kanukinyo? Naarai ejeni ngesi nuejokuka kanuwok ido ejeni ngesi epone loibusakinitor oni aisimonikin ipudesiawok luejok.​—Sab 145:16.

KOSESENATA EBIDIO SIRIKICAMAK AIJARAKON APURIOR, KOSODETE ABONGONOKIN AINGISETA NUTA:

• Kanukinyo emasiata itunga ice esigala?

• Inyoin bo epedori aimat esigala aiswamakin jo?

• Kanukinyo eroniar aimat esigala karaida ngol loemasio keda icuuma?​—2Kor 7:1

• Epone bo ani ipedoria jo ainger esigala arai bo aitanang aimat esigala?