KANUKINYO EJOKUNAR: Asiomenenen Akirot Naka Edeke ingarakini oni “ajenun nepepe kalukalaunak kere kwape ejaar alalau, ka aojau, ka amukurur, ka aidules” naka abeit kotoma Obaibuli. (Pes 3:18) Ingarakini oni araut luilaunit ido luemamei elos kakwap kana naronon ka ainyikokin “aiting ba ba akirot naka aijar.” (Pil 2:15, 16, NW) Asiomenen Ebaibuli duc, ingarakit oni ikulepek aseunun akiro naipuda oni. Anyoika bo nuibusakinit oni aswam tetere imedauni kotoma asiomenen Ebaibuli duc?

EPONE LOISWAMAET:

• Ipikak ijenunet keda aiwadik akiro adis okokoro loisiomi jo kotoma Obaibuli arai bo osimukon

• Ingitakin ber jo kotoma aisiomokon naka Ebaibuli ebe: ‘Ingai bo? Inyoin bo? Iwori bo? Ai bo? Kanukinyo? Epone bo Ani?’

• Kojenu abeit naikamunit ngun. Komoo keda iboro luejaasi, komoo nuikamunitos akou naka akirot arai bo ekokoro lo Ebaibuli

• Koomoom nuiwuta jo aisiom tetere imisiikini epone loingarakiniata akiro ngun jo

• Ibikak nuisisiai jo toma oiswamae kanginipaaran kotoma aijarakon.—Luk 6:47, 48

KOSESEN EBIDIO KINYIKOK “AITING AKIROT BA BA”—KOTOMA ASIOMENEN JOKAN, KOSODETE ABONGONOKIN AINGISETA NUTA:

• Anyoika bo nuejenete luipu nuikamunitos asiomenen Ebaibuli?

• Kanukinyo ibusakinitor oni alipenen eroko esioma Ebaibuli?

• Inyoin bo epedori aingarakin oni amisiikin jokan nuinera Ebaibuli?

• Inyoin bo ijenunet yenipedori jo aipikakin okokoro loisiomunit jo Obaibuli?

• Inyoin bo ajokis naomoom noi nuikamunitos nuisisiai jo kotoma Obaibuli?

• Epone bo ani ibusakinitor jo aitosom nuisisiai jo kotoma Obaibuli?