Eroko iswamaunia aseununeta nuepolok arai nuedisiak, ekoto oni aingitakin ebe, ‘Epone bo ani eomitor Yawe?’ Karaida mam oni ipedori ajenun aomisio nuka Yawe, konye etijenik ngesi oni kotoma Akirotoke nuepedorete aingarakin oni kotoma “nginiswamisioit naejok.” (2Tim 3:16, 17; Rom 11:33, 34) Ajeni Yesu akote naka Edeke ido esingarenit ngesi akote naka Yawe noi kotoma aijarake. (Yok 4:34) Ekoto oni da ainyikokinit atupaar aanyunet naka Kristo aitolomunun aseununetawok nuisiyalamikinitos Yawe.—Yok 8:28, 29; Pes 5:15-17.

KOSESENATA EBIDIO KINYIKOK AJENUN NUEKOT YAWE (LEB 19:18), KOSODETE ABONGONOKIN AINGISETA NU:

• Kanukinyo ibusakinitor oni aitosom aicoreta nuka Ebaibuli kotoma aijarawok?

• Ani bo aicoreta nuka Ebaibuli nuingarakinete oni aseunun ikososinei luka aitelelio?

• Ani bo aicoreta nuka Ebaibuli nuingarakinete oni kotoma aseununetawok nuka igoen ka aitala itim?

• Ani bobo acekiro kotoma aijar nuipedoria oni aitosom aicoreta nuka Ebaibuli?

• Epone bo ani ipedoria oni ainyikokin aitojokaar aijenewok kanuikamunitos akote naka Yawe?