Anyoika bo Nuibusakinit Oni Aswam Kanu Aitup Yesu
Kanu akoru ejok, mam ibusakinit etunganan loitingit emeleku loimongin asesen kau. Kwape kwangin, mam ibusakinit Ikristayon asesen iboro luajalakisi kesi kokau.—Pil 3:13.
Neduc ijaar oni toma ationis, etapit oni aiitonor ejautene loajokan lokolo ijaar oni eroko isisiauna abeit. Ido naetakanuniata ngun, etapit oni duc aitopoloorit ajokisio nukokau adepar atiokisio nuajaasi sek. Ngun kes apotu idwe luko Isirael kiswamata. (Mar 11:5, 6) Arai kinyikok oni aomoomoenen ajokisio nukokau, epedorete ngun ainakin oni abongor aimo iboro lukakwap. Ibusakinit oni kere aomoomoenen nuikamunitos arerengusio nuijaatar oni ka asesenen aiyalama naidumuni oni kotoma Ajakanut Naka Edeke!—2Kor 4:16-18.