Ipu aanyuneta nuka ailipasinei kotoma Obaibuli nuabu Yawe obongonok. Naanyuniata ejaanakinak luka Yawe ebe apupi Yawe atiokisiokec ido engaranakini kes, komam abuonokin abu ngin itogogong aiyuunikec noi. Aso, ejok oni duc kotoma ailipasineiwok, aitebeikin alimun ibore kwape ejaar kasodete aitam amisiikin epone loebongokinia Yawe ailipasineiwok. Eiitunitos ebe, aticepak ebongokini Yawe alipiwok kopone kaloitegelikina arai bo kopone loedeparit nuilipit oni. (2Kor 12:7-9; Pes 3:20) Inyo epedori Yawe ainakin oni kwape abongokinet naka ailipasineiwok?

• Agogong kotoma akuan, etau loinapakina, arai aiyuun kanu atitingikin ationis.​—Pil 4:13

• Acoa kanu aitolomun aseunet naajokan.​—Yak 1:5

• Akote ka apedor naka aswam idiobore.​—Pil 2:13

• Ainapakin kotoma apak naiyalongongor oni.​—Pil 4:6, 7

• Isipedori ngesi luce ainakin oni iboro luipuda, aitalakaar ka aisinyikokin oni.​—1Yok 3:17, 18

• Aingarakin ngul luilipi oni kanukec.​—Asw 12:5, 11

KOSESENATA EBIDIO YAWE NGES “LOIIRARI AILIP,” KOSODETA ABONGONOKIN AINGISETA NUTA:

• Epone bo ani isinyikokiniata akiro nuka Onac Shimizu oni naijaar oni keda adeka naisimikit oni aswam nu ti ipuda oni?

• Epone bo ani ipedoria oni aputoor aanyunet naka Onac Shimizu?