Ekot Yawe ikalia ajaut kaiyalama. (Sab 127:3-5; Lim 9:9; 11:9) Konye atiokisio nuakwap kana ka adiakanareta nuitunga lukokale, epedorete alemar aiyalamawok. Inyo epedori nginitunganan kokale aswam kanu ayangaun aiyalama?

Ekiliokit aitopoloor akeberu. (1Pet 3:7) Ekot ngesi adumun apak aiboi kanges. Mam nges eomit adepar nuepedori naowaike aswam ido isiyalamikini nges akeberu kanuiswamai aberu kanuka okilenike ka ekaleke. (Kol 3:15) Itodikini ngesi aberuke amin keda aitur nges.​—Awa 31:28, 31.

Emoi aberu iponesio luingarakinia ngesi okilenike. (Awa 31:12) Enonokikini ngesi okilenike ido epuponoro kesi. (Kol 3:18) Inera ngesi nuejok nuikamunitos okilenike.​—Awa 31:26.

Auriak, ijaikisi idwe apakikus. (Ikis 6:6, 7) Elimonokinete ikecedwe ebe eminasi kes. (Mat 3:17) Naelecoriata, itosomaete kesi amin ka acoa.​—Pes 6:4.

Ibusakinit idwe aitopoloorit ka arimaar auriakakec. (Awa 23:22) Ekoto kes aiteijenikin auriakakec nueomitos kesi keda epone loepupiata kesi. Ecamunete kesi alecorio kaneejaas auriak ido itodikinete auriakakec ayongit.​—Awa 19:20.

KOSESENATA EBIDIO KODUKUTU AIYALAMA KOKALEKUS, KOSODETE ABONGOKIN AINGISET NA:

• Inyo abu nginidiopet kakesi iswama kanu ayaun aiyalama toma okale?